Türkiyədən gələn iş adamları Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "İnnovasiyalar Mərkəzi"nin qonağı olublar. Səfər, Kiçik və Orta Biznes Subyektləri və Klublarının Assosiasiyasının (KOBSKA) təşkilatçılığı ilə baş tutub.

Qonaqlara "İnnovasiyalar Mərkəzi"ndə startap və innovasiya ekosisteminin inkişafına göstərilən genişmiqyaslı dəstək, yeni texnologiyaların tətbiqi və innovativ layihələrin həyata keçirilməsi istiqamətində görülən işlər barədə ətraflı məlumat verilib. Xüsusilə, startapların inkişafına dəstək məqsədilə keçirilən hakatonlar, startap akselerasiya proqramları, eləcə də investorlarla keçirilən görüş və şəbəkələşmə tədbirləri vurğulanıb.

Bununla yanaşı, ali təhsil müəssisələri ilə qurulan məhsuldar əməkdaşlıqlar, eləcə də əmək bazarının tələblərinə cavab verən innovativ təlim proqramları vasitəsilə yeni ixtisaslar üzrə peşəkar kadrların hazırlanması və müasir biliklərə sahib mütəxəssislərin yetişdirilməsi məsələləri də diqqətə çatdırılıb.

Görüş çərçivəsində tərəflər qarşılıqlı maraq doğuran layihələr, ortaq iş imkanları və potensial əməkdaşlıqlar haqqında geniş müzakirələr aparıblar. Həm Azərbaycanda, həm də Türkiyədə kiçik və orta biznesin inkişafına töhfə verə biləcək gələcək əməkdaşlıq istiqamətləri də diqqət mərkəzində olub.

"İnnovasiyalar Mərkəzi" və "INNOLAND" İnkubasiya və Akselerasiya Mərkəzinin tərəfdaşlığı ilə “Qarabağ və Şərqi Zəngəzurda Sərmayə İmkanları” layihəsi çərçivəsində keçirilən “Karabakh GreenTech” hakatonu başa çatıb.

Layihənin əsas məqsədi gəncləri “Azərbaycan 2030: sosial-iqtisadi inkişafa dair Milli Prioritetlər”inə əsasən həyata keçirilən tədbirlərə dəstək olmaq, işğaldan azad edilmiş bölgələrdə biznes subyektlərini inkişaf perspektivləri, investisiya imkanları, vergi güzəştləri, yaşıl sahibkarlıq, texnologiya transferi və digər mövzular ətrafında maarifləndirməkdir.

"Karabakh GreenTech" hakatonunun ilk mərhələsində 14 komanda öz ideyalarını təqdim edib. Bu ideyalar arasında yaşıl texnologiyalar, aqrar texnologiyalar, alternativ enerji mənbələrinin səmərəliliyinin artırılması və minaların təmizlənməsi üçün texnoloji həllər kimi sahələr yer alıb.

İlk mərhələdən uğurla keçən 8 komanda 24 saat ərzində ASAN İnnovativ İnkişaf Mərkəzində kiçik canlı məhsullarını (MVP) hazırlayıblar və yekun mərhələdə 6 komanda iştirak edib. Onlar arasından 3 komanda qalib seçilib. Seçilən komandalara hədiyyə və diplomlar təqdim edilib və "COP29" da iştirak etmə fürsəti qazanıblar. Qaliblərə "COP29" konfransınadək biznes inkişafı üçün mentorluq və kovörkinq istiqamətində dəstək göstəriləcək.

Tərəfdaşı olduğumuz "Qarabağ və Şərqi Zəngəzurda Sərmayə İmkanları forumu" çərçivəsində keçirilən "Qarabağ Greentech" hakatonunun iştirakçılarına "INNOLAND" İnkubasiya və Akselerasiya Mərkəzi tərəfindən təlim keçirildi.

Təlimdə iştirakçılara:

İdeya generasiyası

Startap ekosistemi - ənənəvi biznesdən fərqlər

Təqdimat bacarıqları - Nə? Harada? Nə zaman? mövzularında məlumatlar verildi.

Salyan “INNOLAND” İnkubasiya və Akselerasiya Mərkəzində keçirdiyimiz 3 günlük təlim başa çatdı. "İdeyadan investisiyaya" adlı 3 modullu təlim proqramında iştirakçılara:

İdeya generasiyası

Startap ekosistemi - ənənəvi biznesdən fərqlər

Təqdimat bacarıqları - Nə? Harada? Nə zaman? mövzularında məlumatlar verildi.

Həmçinin, hər modula uyğun vörkşoplar təşkil edildi, iştirakçılar komanda şəklində müxtəlif tapşırıqları icra etdilər.

ASAN Könüllüləri” Təşkilatının təşkilatçılığı ilə həyata keçirilən “InnoCamp - ASAN könüllülərinin innovasiya düşərgəsi” çərçivəsində “Təqdimat bacarıqları” mövzusunda təlim baş tutub.

Təlim zamanı “INNOLAND” İnkubasiya və Akselerasiya Mərkəzinin əməkdaşı Nicat Əmiraslanov tərəfindən təqdimat bacarığı, təqdimat hazırlanması, uğurlu təqdimatın komponentləri, təqdimat növləri, təqdimatın strukturu və biznes plan kimi mövzulardan bəhs olunub və iştirakçıların sualları cavablandırılıb. Komandalar daha sonra təlim boyu hazırladıqları layihələri münsiflər heyətinə təqdim ediblər.

5-15 iyul tarixlərində "INNOLAND" İnkubasiya və Akselerasiya mərkəzində Azərbaycan Respublikasının Gənclər Fondunun “İdeyanı Reallaşdır 2023” Gənclərin Fərdi Layihələri üzrə Qrant Müsabiqəsinin qaliblərindən biri Elxan Şükürovun layihə rəhbəri olduğu, “TechPath” layihəsi həyata keçirilmişdir. 

Əsas məqsədi gənclərdə sahibkar və innovativ düşüncə tərzini formalaşdırmaq, innovasiya ekosisteminin komponentlərini mənimsəmək və startap savadlılığını artırmaq olan “TechPath” layihəsi çərçivəsində ümumilikdə 40 nəfər gənc əhatə olunaraq, 3 nəzəri təlim, 2 vörkşop və 1 infotur baş tutmuşdur. 

Sonda iştirakçılar sertifikat və diplomlarla mükafatlandırılmış, aktivlik nümayiş etdirən və ideyaları fərqlənən gənclər müxtəlif hədiyyələrlə təltif olunmuşdur.

Azərbaycan Respublikasının Gənclər Fondunun təşkilatçılığı ilə “İmkanlar sənə doğru!” şüarı ilə keçirilən "Səyyar Gənclər Xidməti" layihəsinin Ağdaş rayonunda açılış mərasimi keçirilib.

Açılış mərasimində "INNOLAND" İnkubasiya və Akselerasiya mərkəzi öz stendi ilə təmsil olunub. Mərkəzin və rezident startapların məhsullarından ibarət stend rəsmilərə, tədbir iştirakçılarına, qonaqlara təqdim olunub.

Ailə, Qadın və Uşaq Problemləri üzrə Dövlət Komitəsi, Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və Uşaq İnkişaf Platforması ilə birgə uşaqlar arasında “İTi Zəka - 2” hakatonunun seçim turlarına start verir. 

Hakaton uşaqlara öz hüquqlarının təmin edilməsi istiqamətində təşəbbüs irəli sürmək, innovativ həll yolları təklif vermək imkanı yaratmaq, onlarda yaradıcı düşüncəni inkişaf etdirmək məqsədilə keçirilir.

Hakaton iştirakçıları komandada işləmək, rəqəmsal bacarıqlarını inkişaf etdirmək, son texnoloji yenilikləri sahə üzrə yerli və xarici ekspertlərdən öyrənmək və tətbiq etmək imkanı əldə edəcəklər.

Builki hakaton aşağıdakı mövzuları əhatə edəcək:

-        Sağlam həyat tərzi;

-        İntellektual inkişaf;

-        Ekologiya və uşaqlar;

-        İnformasiya təhlükəsizliyi;

-        Süni intellekt və uşaqlar;

-        Asudə vaxt və əyləncə.

Hakatonda rəqəmsal bacarıqlara sahib, informasiya texnologiyaları sahəsində müəyyən bilik və bacarıqlara (sertifikat, diplom) malik olan, innovativ düşüncəli, bu sahəyə xüsusi marağı olan və komandada  işləməyi bacaran 14-17 yaşlı uşaqlar iştirak edə bilər. Uşaqlar müsabiqəyə minimum 3, maksimum 5 nəfərlik (qız və oğlan təmsilçiliyi nəzərə alınmaqla) komandalar şəklində qeydiyyatdan keçməlidirlər. Seçilən namizədlərlə əlaqə saxlanılacaq. 

Hakaton 4 mərhədən ibarət olacaq. İlkin mərhələdə iştirakçılar yerli və xarici ekspertlərin onlayn təlimlərinə cəlb olunacaq və müvafiq mövzular üzrə təlimatlandırılacaqlar. Digər 3 mərhələ isə canlı təlimlər, hakaton və qaliblərin mükafatlandırılmasından ibarət olacaq. 

Ən istedadlı 3 qalib komanda münsiflər tərəfindən müəyyən ediləcək və nəticələr mükafatlandırma mərasimində açıqlanacaq. 

Hakaton iştirakçıları komandada işləmək, rəqəmsal bacarıqlarını inkişaf etdirmək, son texnoloji yenilikləri sahə üzrə yerli və xarici ekspertlərdən öyrənmək və tətbiq etmək imkanı əldə edəcəklər. 

Qalibləri (hər bir komanda üzvünü) dəyərli  hədiyyələr gözləyir. 

Müsabiqə günlərində iştirakçılar lazımi ləvazimatlar və qidalanma ilə təmin ediləcək. 

Müsabiqəyə qeydiyyat 10 iyun 2024-cü il, saat 18:00-dək, elektron qeydiyyat formunun linki vasitəsilə aparılır. 

Əlavə suallar yaranarsa, [email protected] elektron poçt ünvanına müraciət ünvanlaya bilərsiniz. 

Qeydiyyat formunun linki: https://forms.gle/KyPxvAZga9FYGjTC9

Son qeydiyyat tarixi: 10 iyun 2024-cü il, saat 18:00

Hakatonun digər qaydaları ilə əsasnamədə tanış ola bilərsiniz:

İTi Zəka- 2 Uşaqlar arasında hakatonun ƏSASNAMƏSİ

"INNOLAND" və "SUP.VC"nin birgə təşkilatçılığı ilə keçirilən tədbirin məqsədi kibertəhlükəsizliyin əhəmiyyətini və bu mövzuda tədbirlərin artırılması yollarını müzakirə etmək olub.

Təcrübəli spikerlər Sefa Bakan və İbrahim Əbdüləzizli kibertəhlükəsizlik sahəsindəki aktual məsələləri ətraflı şəkildə müzakirə ediblər. Tədbirdə kibertəhlükəsizliyin təmin edilməsi haqqında görüləcək işlər və mövcud təhdidlərlə mübarizə strategiyaları haqqında müzakirələr keçirilib.

Görüşdə spikerlər aşağıdakı mövzular haqqında danışıb:

Kibertəhlükəsizliyə giriş

“Cyber Intelligence”

Hücumların qarşısının alınması

Yeniliklər və texnoloji həllər vasitəsilə kibertəhlükəsizliyin gücləndirilməsi

Şirkətlərdə kibertəhlükəsizlik tədbirləri

“Red teaming for everyone.”