Xəbərlər

innoland news image

ASAN Xidmətin Kambocada tətbiqi ilə bağlı işlər sürətləndirilir

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə Kambocanın müvafiq qurumu arasında imzalanmış Anlaşma Memorandumunun implementasiyası çərçivəsində Kamboca Krallığının Poçt və Telekommunikasiya Nazirliyinin ekspertlərindən ibarət nümayəndə heyəti ölkəmizə səfər edib.
 
Məqsəd “ASAN xidmət” təcrübəsi ilə yerində tanış olmaq və müvafiq təcrübənin Kambocada tətbiqi üzrə konkret fəaliyyətlərin müəyyən edilməsi olub.
Nümayəndə heyəti müxtəlif “ASAN xidmət” mərkəzləri, ASAN Süni İntellekt Mərkəzi ilə tanış olub. Həmçinin onlar üçün Dövlət Agentliyinin müxtəlif şöbələri tərəfindən təlimlər keçirilib, təqdimatlar edilib.
 
Qonaqlar INNOLAND Incubation & Acceleration Center, Səyyar ASAN xidmətin, 108 Çağrı Mərkəzinin və ASAN Radio nun fəaliyyəti ilə də yaxından tanış olublar.
Ətraflı oxu
innoland news image

Azərbaycan startapları "CEME" beynəlxalq akselerasiya proqramına qəbul olunub

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində fəaliyyət göstərən “İnnovasiyalar Mərkəzi”nin ASAN AI Hub və INNOLAND İnkubasiya və Akselerasiya Mərkəzinin əməkdaşlığı çərçivəsində Azərbaycan startapları Qazaxıstan bazarına daxil olmağa yönəlmiş beynəlxalq “Central Eurasia Market Entry” (CEME) akselerasiya proqramına qəbul olunub.
 
Astana Hub tərəfindən Almatı Akimatının dəstəyi ilə həyata keçirilən “CEME” proqramının fiziki mərhələsi artıq başlayıb. 12 həftəlik proqram çərçivəsində iştirakçı startaplar Qazaxıstan bazarının xüsusiyyətlərini öyrənəcək, potensial müştəri və tərəfdaşlarla əlaqələr quracaq, məhsullarını yerli tələblərə uyğunlaşdıracaq və pilot layihələrin həyata keçirilməsi imkanlarını araşdıracaqlar.
Proqramda iştirak edən Azərbaycan startapları “Park Hub Baku” və “Floume AI” texnoloji həllərini beynəlxalq bazarda inkişaf etdirmək və yeni biznes əlaqələri qurmaq istiqamətində fəaliyyət göstərəcəklər.
 
“Park Hub Baku" müxtəlif parklanma məntəqələrini vahid mobil tətbiq və abunə modeli altında birləşdirən texnoloji platformadır. İstifadəçilər bir abunə vasitəsilə tərəfdaş parklanma məntəqələrindən yararlana, ehtiyaclarına uyğun plan seçə və tətbiq üzərindən mövcud parklanma yerlərini tapa bilirlər. Platformanın əsas məqsədi sürücülərin parklanma zamanı vaxt və xərclərini azaltmaq, eləcə də parklanma operatorlarının mövcud yerlərdən daha səmərəli istifadəsini təmin etməkdir. “CEME” proqramı çərçivəsində “Park Hub Baku” öz təcrübəsini Qazaxıstan bazarında genişləndirmək və Almatının şəhər infrastrukturu ilə bağlı ehtiyaclarını araşdırmaq imkanına malik olacaq.
 
“Floume AI” müxtəlif hədiyyə təkliflərini vahid platformada birləşdirən, süni intellekt dəstəkli onlayn marketplace-dir. İstifadəçilər büdcə və seçimlərini daxil etməklə süni intellekt vasitəsilə uyğun gül buketi və ya hədiyyə tapa, müxtəlif mağazaların məhsul və qiymətlərini müqayisə edə, sifariş verə və çatdırılmanı izləyə bilirlər. Hazırda 50-dən çox tərəfdaş mağaza ilə əməkdaşlıq edən platforma 10 mindən çox hədiyyənin çatdırılmasını həyata keçirib. “CEME” proqramında iştirak “Floume AI” üçün Qazaxıstan bazarında yeni müştəri və tərəfdaşlarla əlaqələr qurmaq, həmçinin platformanın inkişaf imkanlarını araşdırmaq baxımından əhəmiyyətli mərhələdir.
Ətraflı oxu
innoland news image

“KutForge Studios”un həmtəsisçisi Əsəd Həsənov tərəfindən "Uğurlu Oyun Dizaynının Sirləri: İdeyadan Mexanikaya" mövzusunda seminar keçirilib

“NecroLearn” oyun inkubasiya proqramı çərçivəsində “KutForge Studios”un həmtəsisçisi Əsəd Həsənov tərəfindən "Uğurlu Oyun Dizaynının Sirləri: İdeyadan Mexanikaya" mövzusunda seminar keçirilib.
 
Seminarda oyun ideyalarının necə formalaşdırılması, maraqlı oyun mexanikalarının qurulması, səviyyə dizaynı və oyunçunun diqqətini cəlb edən düzgün qərarların verilməsi ilə bağlı real təcrübələrini bölüşüb.
Ətraflı oxu
innoland news image

Azərbaycan yenidən dünyanın ən böyük oyun tərtibatı hakatonlarından birinə qoşulur!

Azərbaycan yenidən dünyanın ən böyük oyun tərtibatı hakatonlarından birinə qoşulur!

"GameJamPlus" bu il 16–18 oktyabr tarixlərində "Gamepons" və "IGDA Azerbaijan" birgə təşkilatçılığı və "INNOLAND"in dəstəyi ilə Azərbaycanda da keçiriləcək.

"GameJamPlus" nədir?

"GameJamPlus" dünyanın 50-dən çox ölkəsindən oyun tərtibatçılarını bir araya gətirən beynəlxalq oyun tərtibatı proqramıdır. İştirakçılar ilk mərhələdə 48 saat ərzində verilən mövzu əsasında oyun prototipi hazırlayırlar. Daha sonra seçilən layihələr inkubasiya, regional mərhələlər, akselerasiya və "Global Final" daxil olmaqla bir neçə mərhələdən keçərək layihələrini daha da inkişaf etdirmək imkanı əldə edirlər. "GameJamPlus" bir neçə mərhələdən ibarətdir: 48 saatlıq "Game Jam", "Incubation", "Continental Semifinals", "Acceleration" və "Global Final". İştirakçılar bu mərhələlər boyunca oyunlarını təkmilləşdirir, layihələrinin təqdimatı üzərində işləyir və beynəlxalq münsiflər qarşısında çıxış etmək imkanı əldə edirlər. Proqramın sonunda seçilən layihələr Global Final mərhələsində bir araya gəlir.

Qeydiyyat "GameJamPlus"ın rəsmi saytı üzərindən aparılır. Qeydiyyatdan keçmək və proqram haqqında ətraflı məlumat əldə etmək üçün: www.gamejamplus.com

Yerlər məhduddur. Komandanızı formalaşdırın, qeydiyyatdan keçin və öz oyununuzu yaradın! 

Ətraflı oxu
innoland news image

“NeecroLearn” proqramında mentor görüşlərinə start verildi!

“NeecroLearn” proqramında mentor görüşlərinə start verildi!

Proqram çərçivəsində iştirakçı komandaların layihələrinin inkişafına dəstək olmaq məqsədilə nəzərdə tutulan ilk mentor görüşü baş tutub. Qonağımız Türkiyənin Yaşar Universitetinin Dizayn və Araşdırma Mərkəzinin rəhbəri, professor Can Güvenir olub. Görüş zamanı “Delete It!”, “The Defender” və “Mysterious” komandaları ilə layihələrin inkişafı, ideyaların təkmilləşdirilməsi və növbəti mərhələlərə dair müzakirələr aparılıb.

Ətraflı oxu
innoland news image

INNOLAND-in rezidenti “Rekrio AI” Türkiyənin aparıcı startap akselerasiya proqramı “İTÜ Çekirdek Express”ə qəbul olunub.

INNOLAND-in rezidenti “Rekrio AI” Türkiyənin aparıcı startap akselerasiya proqramı “İTÜ Çekirdek Express”ə qəbul olunub.

Akselerasiya proqramı çərçivəsində komanda öz məhsulunu daha da inkişaf etdirmək, yeni əməkdaşlıqlar qurmaq, mentor dəstəyindən yararlanmaq və beynəlxalq startap ekosisteminə çıxışını genişləndirmək imkanı əldə edəcək.

“Rekrio AI” komandasını təbrik edir, yeni uğurlar arzulayırıq!

Ətraflı oxu
innoland news image

Azərbaycan Respublikasının Prezidenti İlham Əliyev sentyabrın 14-də Bakıda Elm və Təhsil Nazirliyinin Yüksək Texnologiyalar Parkında qurulan "SABAH.city" innovasiya şəhərciyinin birinci mərhələsinin açılışında iştirak edib.

Azərbaycan Respublikasının Prezidenti İlham Əliyev sentyabrın 14-də Bakıda Elm və Təhsil Nazirliyinin Yüksək Texnologiyalar Parkında qurulan "SABAH.city" innovasiya şəhərciyinin birinci mərhələsinin açılışında iştirak edib.
Burada ASAN Süni İntellekt Mərkəzi də yaradılıb. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ulvi Mehdiyev Prezident İlham Əliyevə ASAN Süni İntellekt Mərkəzi, INNOLAND Incubation & Acceleration Center, həmçinin ASAN Xidmətin “Süni İntellekt Assistent” layihəsi barədə məlumat verdi.
ASAN Süni İntellekt Mərkəzi Azərbaycanda süni intellekt sahəsində innovativ təşəbbüsləri dəstəkləmək, tədqiqatçıları, dövlət qurumlarını, özəl sektoru və fərdi istifadəçiləri vahid rəqəmsal platformada (www.asanhub.ai) bir araya gətirmək, açıq innovasiya modelini təşviq etməklə dövlət, biznes və təhsil müəssisələri arasında əməkdaşlığın gücləndirilməsi məqsədilə yaradılıb. Bugünədək ümumilikdə 50 süni intellekt həlli təqdim olunub. ASAN Süni İntellekt Mərkəzi ölkədə fəaliyyət göstərən 8 universitet, Azərbaycan Milli Elmlər Akademiyası, bir sıra nüfuzlu xarici universitetlər Sinxua Universiteti (Çin), Oksford Universiteti (Birləşmiş Krallıq) və Boğaziçi Universiteti (Türkiyə), eyni zamanda, digər beynəlxalq nüfuzlu tərəfdaşlarla əməkdaşlıq əlaqələri qurub.
“ASAN xidmət”in “INNOLAND” İnkubasiya və Akselerasiya Mərkəzindən bu günədək 150 startap yararlanıb, 4 startap xarici investorlar tərəfindən satın alınıb.
“Süni İntellekt Assistent” platforması “ASAN xidmət”in müxtəlif fəaliyyət istiqamətləri barədə məlumatı sürətli, sadə və adi söhbət formatında əldə etmək, təhlil və proqnozlaşdırmaq imkanı yaradır.
 
Ətraflı: https://president.az/az/articles/view/73495
Ətraflı oxu
innoland news image

Məhsuldan “Demo Day”ə mövzusunda vebinar keçirilib

Məhsuldan “Demo Day”ə mövzusunda vebinar keçirilib. Vebinar zamanı oyun layihələrinin məhsul mərhələsindən “Demo Day”ə qədər keçdiyi yol, bu prosesdə diqqət edilməli əsas məqamlar və praktiki təcrübələr iştirakçılarla bölüşülüb. “Neecro Project Studio”nun təsisçisi Şamil Namazovun moderatorluğu ilə keçirilən görüşdə Nicat Əmiraslanov iştirakçılara İnnolandın fəaliyyəti haqqında məlumat verib.

Daha sonra “Game Design Academia”nın həmtəsisçiləri Egehan Doğan, Nurevşan Doğan və Nihat Baran Menteş mövzu ilə bağlı çıxış edərək öz təcrübələrini və praktiki yanaşmalarını iştirakçılarla bölüşüblər.

Vebinarın sonunda keçirilən sual-cavab sessiyasında iştirakçıları maraqlandıran suallar cavablandırılıb.

Ətraflı oxu
innoland news image

“Gələcək üçün bacarıqlar” layihəsi çərçivəsində Bakı Ali Neft Məktəbinin (BANM) “Enactus” komandaları ilə görüş keçirilib

“Gələcək üçün bacarıqlar” layihəsi çərçivəsində Bakı Ali Neft Məktəbinin (BANM) “Enactus” komandaları ilə görüş keçirilib.
Görüş zamanı, layihənin V “TUSİ” İnkubasiya Proqramının iştirakçıları da daxil olmaqla, startap komandalarının layihələri təqdim olunub və layihələr ətrafında fikir mübadiləsi aparılıb.
Gənclərin ideyaları dinlənilib, müzakirə olunub və onların inkişafı ilə bağlı faydalı tövsiyə və məsləhətlər verilib.
İdeyaların uğurlu layihələrə çevrilməsi üçün dəstək, mentorluq və düzgün istiqamətləndirmə fəaliyyətimizi davam etdiririk.
Ətraflı oxu