Məhsuldan “Demo Day”ə mövzusunda vebinar keçirilib. Vebinar zamanı oyun layihələrinin məhsul mərhələsindən “Demo Day”ə qədər keçdiyi yol, bu prosesdə diqqət edilməli əsas məqamlar və praktiki təcrübələr iştirakçılarla bölüşülüb. “Neecro Project Studio”nun təsisçisi Şamil Namazovun moderatorluğu ilə keçirilən görüşdə Nicat Əmiraslanov iştirakçılara İnnolandın fəaliyyəti haqqında məlumat verib.

Daha sonra “Game Design Academia”nın həmtəsisçiləri Egehan Doğan, Nurevşan Doğan və Nihat Baran Menteş mövzu ilə bağlı çıxış edərək öz təcrübələrini və praktiki yanaşmalarını iştirakçılarla bölüşüblər.

Vebinarın sonunda keçirilən sual-cavab sessiyasında iştirakçıları maraqlandıran suallar cavablandırılıb.

“NeecroLearn” oyun inkubasiya proqramında netvörkinq və təcrübə mübadiləsi görüşləri davam edir.

Proqramın II mərhələsi çərçivəsində təşkil olunan növbəti netvörkinq və təcrübə mübadiləsi görüşünün qonağı "M3DS Academy" və "Vertpaint Studios"un 3D oyun rəssamı Cavid Şükürlü olub. "Portfolio yaradılması və xaricdə iş axtarışı" mövzusunda çıxış edən Cavid Şükürlü peşəkar portfolionun hazırlanması, işəgötürənlərin diqqətini cəlb edən əsas məqamlar və beynəlxalq oyun sənayesində karyera imkanları ilə bağlı təcrübələrini iştirakçılarla bölüşüb.

“NeecroLearn” oyun inkubasiya proqramında təlimlər davam edir.

Proqramın II mərhələsində təşkil olunan netvörkinq və təcrübə mübadiləsi görüşünün qonağı "Dynamic Box Studio" oyun studiyasının həmtəsisçisi Şahin Əliyev olub. Görüşdə "Oyun və digital məhsulların prototipləşdirilməsi" mövzusunda çıxış edən Şahin Əliyev ideyaların məhsula çevrilməsinin ilkin mərhələləri, prototipləşdirmə prosesi və bu sahədəki praktiki təcrübələrini iştirakçılarla bölüşüb.

"ADA School" şagirdləri üçün INNOLAND və "Bilim Bakı" mərkəzlərinə info tur təşkil olunub. İnfo tur çərçivəsində "ADA School"un 7, 8 və 9-cu sinif şagirdləri əvvəlcə "INNOLAND" İnkubasiya və Akselerasiya Mərkəzində startap ekosistemi, innovativ layihələr və rezident startapların fəaliyyəti haqqında məlumat əldə edərək real innovasiya mühitini yaxından müşahidə ediblər. Daha sonra "Bilim Bakı" mərkəzinin fəaliyyət istiqamətləri, laboratoriyaları və texnoloji imkanları ilə tanış olublar. Proqramın sonunda isə "Neecro Projects" oyun studiyasının təsisçisi Şamil Namazov tərəfindən "Oyun hazırlama" mövzusunda keçirilən təlimdə şagirdlərə "game development" sahəsinin imkanları və bu istiqamətdə ilk addımlar haqqında praktiki biliklər təqdim olunub.

"NeecroLearn" intensiv təlim və oyun inkubasiya proqramının II mərhələsi çərçivəsində netvörkinq görüşləri davam edir. Bu dəfə proqram iştirakçıları qlobal oyun sənayesinin aparıcı şirkətlərindən biri olan "Xsolla"nın nümayəndəsi Nikita Yudin ilə görüşüblər. Görüş zamanı iştirakçılara "Xsolla"nın fəaliyyəti, oyun layihələrinin inkişafı, qlobal oyun sənayesində mövcud imkanlar və beynəlxalq bazarlara çıxış yolları haqqında məlumat verilib. Tədbir interaktiv müzakirə formatında keçirilib və iştirakçılar suallarını birbaşa şirkət nümayəndəsinə ünvanlandırıblar. INNOLAND olaraq gənclərin oyun sənayesində inkişafını və beynəlxalq ekosistemə inteqrasiyasını dəstəkləməyə davam edirik.

“INNOLAND” İnkubasiya və Akselerasiya Mərkəzinin rəhbəri Nicat Əmiraslanov “Tarixin izi ilə: yaddaşımız gələcəyimizdir” V Gənclər Düşərgəsində iştirakçılar üçün “İnnovasiya və süni intellekt” mövzusunda təlim keçib.

Təlim zamanı iştirakçılara innovasiya ekosisteminin formalaşması, yaradıcı düşüncənin və problemlərin həllində innovativ yanaşmaların əhəmiyyəti, həmçinin süni intellekt texnologiyalarının gündəlik həyata, təhsilə və əmək bazarına təsiri barədə ətraflı məlumat verilib.

Daha sonra iştirakçılar arasında qrup işləri təşkil olunub. Komandalar şəklində çalışan iştirakçılar müxtəlif tapşırıqlar üzərində işləyərək innovativ ideyalar hazırlayıb və təqdim ediblər.

 Qlobal bazara çıxış üçün vacib biliklər, real təcrübələr və praktik tövsiyələr!

“INNOLAND” İnkubasiya və Akselerasiya Mərkəzində Türkiyəli təlimçi, “Mükellef Teknoloji” şirkətinin satış direktoru Yunus Uzelin təqdimatında keçirilən təlimdə iştirakçılar beynəlxalq bazarlara çıxış, xaricdə şirkət qurulması, vergi və hüquqi məsələlər, eləcə də qlobal inkişaf strategiyaları ilə bağlı dəyərli məlumatlar əldə etdilər.

Siz də biznesinizi qlobal bazara daşımaq istəyirsinizsə, INNOLAND-in növbəti təlim və tədbirlərini izləyin.