“INNOLAND”də oyun tərtibatçıları üçün “Demo day” keçirilib
“INNOLAND”də oyun tərtibatçıları üçün “Demo day” keçirilib
“INNOLAND”də oyun tərtibatçıları üçün “Demo day” keçirilib
“INNOLAND”də oyun tərtibatçıları üçün “Demo day” keçirilib
11 Aprel, 2022

“INNOLAND”də oyun tərtibatçıları üçün “Demo day” keçirilib

9 aprel 2022-ci il tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “İNNOLAND” İnkubasiya və Akselerasiya Mərkəzində "Gamepons" və "WePlay Ventures" şirkətlərinin təşkilatçılığı ilə Azərbaycanda ilk dəfə olaraq oyun tərtibatçıları üçün “Demo day” keçirilib.


Tədbirdə həm yerli, həm də beynəlxalq investorlar olan dövlət qurumlarının və özəl şirkətlərin rəhbər vəzifəli şəxsləri, “INNOLAND”in rezidenti olan və digər startaplar iştirak ediblər.
“Demo day”də  "FM Studio", "Metamad Studio", "Seven Heart Stories" və "Return Game Studio" startapları  investorlar qarşısında  təqdimatlarında keçdikləri inkubasiya və akselerasiya proqramı ərzində layihələrin necə inkişaf etdiyi, hazırda layihələrin hansı mərhələdə olduğu, gələcək hədəfləri və zəruri olan investisiya ehtiyacları haqqında məlumat veriblər.


“Demo Day”in keçirilməsində məqsəd maliyyə ehtiyacı olan startaplar və sərmayə qoymaq istəyən investorları bir araya gətirmək və tərəflər arasında sağlam  mühitdə davamlı əlaqələrin qurulmasına dəstək göstərməkdir.
Oyun tərtibatçılarını və studiyalarını dəstəkləyən icma qurucusu və inkubasiya mərkəzi "Gamepons", "WePlay Ventures"dan Azərbaycanda və Mərkəzi Asiyada oyun ekosistemi qurmaq, oyun startapları inkubasiya etmək, müxtəlif beynəlxalq konfrans və tədbirlər keçirmək üçün investisiya alıb. "Gamepons" müxtəlif tədbirlər və konfranslar vasitəsilə xarici təcrübəni Azərbaycana  gətirməklə yanaşı, həm də  oyun studiyaları ilə əməkdaşlıq edərək onların inkişafına köməklik göstərir. 


"Weplay Ventures" isə Şərqi Avropa və Mərkəzi Asiyada ilkin mərhələdə oyun studiyalarına sərmayə qoyur.

Ətraflı oxu

Digər xəbərlər

innoland news image

Azərbaycanda ilk dəfə “Global Game Jam Next" tədbiri baş tutacaq

Nəqliyyat, Rabitə və Yüksək Texnologiyalar Nazirliyi, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzi, "SUP VC",  və "Tech academy"nin təşkilatçılığı ilə ilk dəfə olaraq Azərbaycanda "Global Game Jame Next" tədbiri keçiriləcək.

13-24 iyul tarixlərində baş tutacaq tədbir iki hissədən ibarət olacaq. Birinci hissədə (13-17 iyul) iştirakçılara proqramlaşdırma və oyun hazırlama bacarıqları mövzularında video dərslər keçiriləcək.

İkinci hissədə isə (20-24 iyul) iştirakçılar öyrəndiklərini tətbiq etməklə öz ideyaları əsasında oyunlar hazırlayacaqlar. 

"Global Game Jam Next"in  əsas məqsədi video oyunlarının yaradılmasını öyrənməyə həvəs göstərən 12-17 yaşlı yeniyetmələrə bu sahədə ilkin bilikləri mənimsəməyə dəstək olmaqdır. Bu tədris proqramı onların kodlaşdırma potensialını üzə çıxararaq texniki biliklər qazanmasına imkan yaradacaq.

Qeydiyyat linki: https://bit.ly/2D4ZApp
Qeydiyyat üçün son tarix: 11 iyul

Ətraflı oxu
innoland news image

“Be Investor” proqramına start verildi!

“Be Investor” proqramına start verildi!
 
INNOLAND və Türkiyənin "BE Advise" konsaltinq şirkəti tərəfindən təşkil olunan proqramın ilk təlimi uğurla baş tutdu. İştirakçılar startap ekosisteminin əsasları, investisiya axınının qurulması və startap seçimi mövzuları ilə tanış oldular. Proqramın məqsədi iştirakçılarda analitik düşüncə formalaşdırmaq və real investisiya qərarları verə bilən investor bacarıqları qazandırmaqdır. 
 
1 ay davam edəcək proqram boyunca iştirakçıları daha praktiki və dərin mövzular gözləyir.
Ətraflı oxu
innoland news image

“Slack platformasında quruculuq” adlı onlayn tədbir keçiriləcək

20 aprel 2021-ci il, Bakı vaxtilə saat 20:00-da “Slack platformasında quruculuq” mövzusunda onlayn tədbir keçiriləcək.

Baş tutacaq tədbirdə “Slack”in developerlər üçün yaratdığı geniş imkanlardan danışılacaq.
 
Sözügedən tədbirin spikeri “Slack”in Developerlər şöbəsinin müdiri Colm Doyle, moderatoru isə Azərbaycanda 50-dən çox startapın inkişafına dəstək olan, texnoloji və innovativ yeniliklər haqqında bloqların müəllifi, “Slack”-in yerli təmsilçisi Tariyel Ağazadə olacaq.
 
İştirakçılar adıçəkilən platformada rahat şəkildə funksional mobil tətbiq yaratmağın üsullarını öyrənə, eyni zamanda “Slack”in digər faydalı özəllikləri haqqında məlumat əldə edə biləcəklər.

Bu tədbirdə iştirak ödənişsiz, iştirakçı sayı isə limitsizdir. Hər kəs Slack və Facebook platformalarından canlı izləyə bilər. Qeyd edək ki, tədbir ingilis dilində keçiriləcək.

Ətraflı məlumat: https://slackcommunity.com/baku/

Qeydiyyat: https://bit.ly/2R7ybtP

Ətraflı oxu