25 noyabr 2019-cu il tarixində “StartupFest 2019” adı altında startapları əhatə edən beynəlxalq festivalın rəsmi açılış mərasimi keçirilib.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev “StartupFest 2019” festivalı çərçivəsində Bakı və Gəncə şəhərində nəzərdə tutulan tədbirlər, panel sessiyaları barədə məlumat verib. Həmçinin texnologiyaların sürətli inkişafı sahəsində trendlərin insan həyatına, dövlət xidmətlərinin göstərilməsinə təsiri, ölkəmizdə rəqəmsal transformasiya, dövlət tərəfindən atılmış addımlar və gələcəyə baxış diqqətə çatdırılıb.

Açılış mərasimindən sonra “Dövlət sektorunda Rəqəmsal Transformasiya: İmkanlar və Çağırışlar” mövzusunda müzakirələr aparılıb.

Bu paneldə dövlət sektorunda rəqəmsal transformasiya və bu sahədə görülən işlər barədə müzakirələr aparılıb. Həmçinin rəqəmsal transformasiyanın dövlət sektorunda tətbiqi, rəqəmsal texnologiyaların yaratdığı perspektivlərin və metodların dövlət idarəçiliyində istifadəsi məsələlərinə toxunulub.

Sessiyada Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini Ceyhun Salmanov, İqtisadi İslahatların Təhlili və Kommunikasiya Mərkəzinin İcraçı direktoru Vüsal Qasımlı, İqtisadiyyat nazirinin müavini Sahib Məmmədov, Kənd təsərrüfatı nazirinin müavini İlhamə Qədimova,   “Azərkosmos” ASC-nin sədr müavini Dunay Bədirxanov, “Türksat”ın Elektron Hökumət və İnformasiya Cəmiyyətinin direktoru Əhməd Yapıcı çıxış ediblər.

Tədbirin moderatoru Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan Elektron Hökumətin İnkişafı Mərkəzinin direktoru Fariz Cəfərov olub.

“StartupFest 2019” Azərbaycanda ilk dəfə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzinin təşkilatçılığı ilə reallaşdırılır.

Festivalın əsas məqsədi təcrübə mübadiləsinə imkan yaratmaqla regionda və  Azərbaycanda startap ekosisteminin oyunçularını bir araya gətirmək, ekosistemin inkişafı və mövcud problemlərin həlli istiqamətində fikir mübadiləsi aparmaq, Azərbaycanı bu istiqamətdə regional mərkəzə çevirməkdir.

Tədbirin əsas özəlliklərindən biri də startapları əhatə etməsi, özündə startaplarla bağlı problemləri və onların həll yollarını ehtiva edən 6 beynəlxalq lisenziyalı tədbiri birləşdirməsidir.

“BrainGame” intellektual oyun hakatonu Azərbaycanda intellektual oyunların yaradılması sahəsində proseslərin təşviqi, yeni oyun əsaslı həllərin yaradılması və cəmiyyətin intellektual potensialının artırılması məqsədilə həyata keçirilir. Hakaton Azerlotoreya ASC-nin dəstəyi ilə Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan “İnnovasiyalar Mərkəzi” MMC tərəfindən keçirilir.

Müsabiqənin məqsədi
- İnnovativ fəaliyyətin stimullaşdırılması və sağlam rəqabətin formalaşdırılması;
- Yeni intellektual oyun prototiplərinin yaradılması
- İT mütəxəssisləri arasında yeni ideyaların dəstəklənməsi;
- Komandada işləmək bacarığının inkişaf etdirilməsi;
- İstedadlı uşaqların cəmiyyətə tanıdılması.

Müsabiqənin formatı
Müsabiqə ümumilikdə bir-birinin məntiqi davamı olan 3 mərhələdən təşkil olunur. 
Birinci mərhələ
Yaradılmış xüsusi qeydiyyat linki vasitəsilə qeydiyyatdan keçməklə komanda üzvləri və yaradılacaq həllə dair təqdimatın göndərilməsi;
İkinci mərhələ
Yaradılacaq həllin dizayn nümunələrinin mobil tətbiq dizayn alətlərindən istifadə etməklə (figma və s.) formasının hazırlanması və qeyd olunan ünvana göndərilməsi;
Üçüncü mərhələ
Həllərin yaradılması və münsiflər qarşısında təqdimatların edilməsi.

Komandaların formalaşması
Müsabiqədə 18 yaşdan yuxarı, ən az 3, maksimum 5 nəfərdən ibarət komandalar iştirak edə bilər. İştirakçılar müsabiqəyə yalnız komanda şəklində müraciət edə bilər. Komanda üzvlərindən ən az birinin informasiya texnologiyaları üzrə mütəxəssis olması tələb olunur.

Müsabiqənin şərtləri
- Müsabiqədə 18 yaşdan yuxarı, ən azı 3, maksimum 5 nəfərdən. İbarət komandalar iştirak edə bilər.
- Komanda üzvlərindən ən azı biri mütləq İnformasiya texnologiyaları üzrə mütəxəssis olmalıdır.
- Yaradılacaq tətbiq daha öncə hər hansı müsabiqədə təqdim edilməməli, eyni zamanda ictimaiyyətin istifadəsinə verilmiş olmamalıdır.
- Tətbiq daha öncə mobil tətbiq marketində (App store və ya Play market) yerləşdirilməməlidir.

Müraciət qaydaları
- İştirakçılar 06 noyabr  2023-cü il tarixinədək “İnnovasiyalar Mərkəzi” MMC tərəfindən yaratılmış xüsusi qeydiyyat linki vasitəsilə qeydiyyatdan keçməklə öz komanda üzvləri və yaradacaqları həllə dair təqdimat göndərməlidirlər.
- İlkin seçimdən sonra seçilmiş komandalar 20 noyabr 2023-cü il tarixinə qədər yaradacaqları həllin dizayn nümunələrini mobil tətbiq dizayn alətlərindən istifadə etməklə (figma və s.) hazırlamalı və bizə göndərməlidirlər.

Qiymətləndirmə mexanizmi
Müsabiqənin ikinci mərhələsində intellektual oyunlarla bağlı aşağıda qeyd olunmuş kriteriyalar münsiflər tərəfindən qiymətləndiriləcək:
- intellektual oyunun dizaynı və istifadə rahatlığı;
- digər mobil tətbiqlərlə inteqrasiya edilə bilmə imkanı;
- korporativ brendi(loqo, rəng və dizayn elementləri);
- yaradılmış oyunların cəmiyyət üçün sosial və iqtisadi faydalılığı.

Üçüncü mərhələdə layihələr aşağıdakı meyarlar üzrə qiymətləndirilir:
- verilən tapşırığın verilən vaxt ərzində həlletmə;
- məsələnin həlli istiqamətində irəli sürülən ideya;
- tapşırığın düzgünlüyü, tərtibat və kreativ yanaşma;
- komanda işinin keyfiyyəti.
- ideyanın innovativliyi
- təqdimat bacarıqları
- resurslardan düzgün istifadə
- problemin həllinə uyğun həllin təqdim olunması

İştirakçıların mükafatlandırılması qaydaları
Münsiflər tərəfindən səsvermə yolu ilə müəyyən edilmiş 3 (üç) ən uğurlu komanda diplomla yanaşı aşağıdakı hədiyyələrlə təltif edilir:
- I yerin qalibi 5000 AZN;
- II yerin qalibi 2000 AZN;
- III yerin qalibi 1000 AZN.
- 2 nəfərə həvəsləndirici mükafat

Digər bütün iştirakçılar sertifikatla təltif edilirlər.
 

Ekologiya və Təbii Sərvətlər Nazirliyi və BMT-nin İnkişaf Proqramı (BMTİP) mövcud su problemlərinə texnoloji həllər tapmaq və suyun həyati əhəmiyyəti ilə bağlı maarifləndirmə işinə dəstək vermək məqsədilə “Hackathon Azerbaijan” komandası ilə birgə Azərbaycanda su mövzusunda keçirilən ilk virtual hakatona start verir.
  
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzinin də dəstəkçisi olduğu “Aquahack” innovatorları, proqramçıları, şirkətləri, vətəndaş cəmiyyəti təşkilatlarını, eləcə də, 13 yaşdan yuxarı ən fəal icma üzvlərini suyun kəmiyyət və keyfiyyətinin qorunması və su ehtiyatlarına təzyiqlərin azadılması üçün texnoloji ideyalar və həllər təklif etməyə dəvət edir.
 
Məsələn, Azərbaycanda ən çox su itkisinə kortəbii suvarma təcrübəsi səbəb olur ki, bu  sahədə təklif ediləcək ideyalar qənaətcil, çevik və innovativ suvarma üsullarından istifadəni sövq edəcək.
 
Problemin həlli istiqamətində təklif ediləcək ideyalar fermerləri torpaq və meteoroloji məlumatlardan optimal şəkildə istifadəni təmin edən yeni suvarma üsulları ilə tanış etməklə bağlı ola bilər.
 
Digər həllərə ev şəraitində sudan qənaətlə istifadəyə dair yeni ictimai məlumatlandırma metodları aid edilə bilər.
 
“Aquahack” yarışmasına qeydiyyat 10-25 iyun tarixlərində keçiriləcək və hakatonda iştirak tamamilə ödənişsizdir. Müraciətlər həm fərdi, həm də qrup şəklində təqdim oluna bilər. Müraciət prosesi bitdikdən sonra iştirakçıları konkret problemlər və mövzu ilə ətraflı tanış etmək məqsədilə silsilə vebinarlar təşkil olunacaq. Bütün ideya və təkliflər ixtisaslaşmış münsiflər heyəti tərəfindən qiymətləndiriləcək.
 
Ümumilikdə 3 mükafat təqdim olunacaq: birinci yer üçün 5000 manat, ikinci yer üçün 3000 manat və üçüncü yer üçün 2000 manat.
 
Son müraciət tarixi: 25 iyun 2020-ci il

Qeydiyyat  üçün: https://aquahack.hackathon.az/