4-14 iyul 2019-cu il tarixində “INNOLAND“ İnkubasiya və Akselerasiya Mərkəzinin rəhbərliyi ABŞ-ın Kaliforniya ştatında işgüzar səfərdə olub. Səfərin əsas məqsədi dünyanın ən qabaqcıl startap ekosistemi olan Silicon Valley şirkətləri ilə görüşlər, mümkün əməkdaşlıqların müzakirəsi olub. Səfər çərçivəsində “Facebook”, “Google”, “Salesforce”, “Linkedin”, “500 startups” və digər tanınmış şirkətlərlə görüşlər keçirilib.

Həmçinin səfər zamanı “INNOLAND” Mərkəzi və “Global Kinetiks” şirkəti arasında əldə olunan razılaşmaya əsasən cari ilin sentyabr ayından başlayaraq Mərkəzin akselerasiya proqramına qoşulan startaplar üçün “Silicon Valley in Your Pocket” proqramı həyata keçiriləcək. Bu çərçivədə 8 həftəlik mentorluq və birbaşa məsləhət xidmətləri təmin olunacaq.

Proqram rəhbəri Jeff Wallace bu əməkdaşlığın sadəcə Azərbaycan üçün deyil, bütün region üçün körpü rolunu oynaya biləcəyini bildirib.

Car ilin sonunda San Fransisko şəhərində “INNOLAND” nümayəndəliyinin açılması planlaşdırılır. Nümayəndəlik xarici ekspertlərin məsafədən Mərkəzdəki startaplara mentorluğun təşkil olunması, potensiallı yerli startapların xarici bazarlara çıxmasının dəstəklənməsi, investisiyanın cəlb olunması, hüquqi işlər və digər bu növ işlərin təşkili ilə məşğul olacaq.

“BrainGame” intellektual oyun hakatonu Azərbaycanda intellektual oyunların yaradılması sahəsində proseslərin təşviqi, yeni oyun əsaslı həllərin yaradılması və cəmiyyətin intellektual potensialının artırılması məqsədilə həyata keçirilir. Hakaton Azerlotoreya ASC-nin dəstəyi ilə Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan “İnnovasiyalar Mərkəzi” MMC tərəfindən keçirilir.

Müsabiqənin məqsədi
- İnnovativ fəaliyyətin stimullaşdırılması və sağlam rəqabətin formalaşdırılması;
- Yeni intellektual oyun prototiplərinin yaradılması
- İT mütəxəssisləri arasında yeni ideyaların dəstəklənməsi;
- Komandada işləmək bacarığının inkişaf etdirilməsi;
- İstedadlı uşaqların cəmiyyətə tanıdılması.

Müsabiqənin formatı
Müsabiqə ümumilikdə bir-birinin məntiqi davamı olan 3 mərhələdən təşkil olunur. 
Birinci mərhələ
Yaradılmış xüsusi qeydiyyat linki vasitəsilə qeydiyyatdan keçməklə komanda üzvləri və yaradılacaq həllə dair təqdimatın göndərilməsi;
İkinci mərhələ
Yaradılacaq həllin dizayn nümunələrinin mobil tətbiq dizayn alətlərindən istifadə etməklə (figma və s.) formasının hazırlanması və qeyd olunan ünvana göndərilməsi;
Üçüncü mərhələ
Həllərin yaradılması və münsiflər qarşısında təqdimatların edilməsi.

Komandaların formalaşması
Müsabiqədə 18 yaşdan yuxarı, ən az 3, maksimum 5 nəfərdən ibarət komandalar iştirak edə bilər. İştirakçılar müsabiqəyə yalnız komanda şəklində müraciət edə bilər. Komanda üzvlərindən ən az birinin informasiya texnologiyaları üzrə mütəxəssis olması tələb olunur.

Müsabiqənin şərtləri
- Müsabiqədə 18 yaşdan yuxarı, ən azı 3, maksimum 5 nəfərdən. İbarət komandalar iştirak edə bilər.
- Komanda üzvlərindən ən azı biri mütləq İnformasiya texnologiyaları üzrə mütəxəssis olmalıdır.
- Yaradılacaq tətbiq daha öncə hər hansı müsabiqədə təqdim edilməməli, eyni zamanda ictimaiyyətin istifadəsinə verilmiş olmamalıdır.
- Tətbiq daha öncə mobil tətbiq marketində (App store və ya Play market) yerləşdirilməməlidir.

Müraciət qaydaları
- İştirakçılar 06 noyabr  2023-cü il tarixinədək “İnnovasiyalar Mərkəzi” MMC tərəfindən yaratılmış xüsusi qeydiyyat linki vasitəsilə qeydiyyatdan keçməklə öz komanda üzvləri və yaradacaqları həllə dair təqdimat göndərməlidirlər.
- İlkin seçimdən sonra seçilmiş komandalar 20 noyabr 2023-cü il tarixinə qədər yaradacaqları həllin dizayn nümunələrini mobil tətbiq dizayn alətlərindən istifadə etməklə (figma və s.) hazırlamalı və bizə göndərməlidirlər.

Qiymətləndirmə mexanizmi
Müsabiqənin ikinci mərhələsində intellektual oyunlarla bağlı aşağıda qeyd olunmuş kriteriyalar münsiflər tərəfindən qiymətləndiriləcək:
- intellektual oyunun dizaynı və istifadə rahatlığı;
- digər mobil tətbiqlərlə inteqrasiya edilə bilmə imkanı;
- korporativ brendi(loqo, rəng və dizayn elementləri);
- yaradılmış oyunların cəmiyyət üçün sosial və iqtisadi faydalılığı.

Üçüncü mərhələdə layihələr aşağıdakı meyarlar üzrə qiymətləndirilir:
- verilən tapşırığın verilən vaxt ərzində həlletmə;
- məsələnin həlli istiqamətində irəli sürülən ideya;
- tapşırığın düzgünlüyü, tərtibat və kreativ yanaşma;
- komanda işinin keyfiyyəti.
- ideyanın innovativliyi
- təqdimat bacarıqları
- resurslardan düzgün istifadə
- problemin həllinə uyğun həllin təqdim olunması

İştirakçıların mükafatlandırılması qaydaları
Münsiflər tərəfindən səsvermə yolu ilə müəyyən edilmiş 3 (üç) ən uğurlu komanda diplomla yanaşı aşağıdakı hədiyyələrlə təltif edilir:
- I yerin qalibi 5000 AZN;
- II yerin qalibi 2000 AZN;
- III yerin qalibi 1000 AZN.
- 2 nəfərə həvəsləndirici mükafat

Digər bütün iştirakçılar sertifikatla təltif edilirlər.
 

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzində "Süni zəka" mövzusunda görüş baş tutacaq. Görüş “SUP Akselerator”unun ənənəvi #SUPTalks tədbiri daxilində keçiriləcək. Görüşdə spiker qismində çıxış edəcək Nərgiz Məmmədova süni zəka, onun imkanları və gələcəyə təsirindən danışacaq.

Nərgiz Məmmədova Kanadanın Toronto şəhərində yaşayan texnoloqdur. Sahibkarlığa marağı onun təşəbbüskar ailəsindən gəlir. İndiyə kimi media, reklam və texnologiya sahələrində müxtəlif startaplara dəstək verib. O, həmçinin texnologiya ilə immiqrasiya məsələlərini həll etməyə yönəlmiş "Destin AI" startapının qurucusudur. Nərgiz 3 ölkədə - İsveçrə, Yaponiya və Kanadada idarəetmə təhsili almış və Beynəlxalq Biznes Magistr dərəcəsinə sahibdir.

Tədbir 19 dekabr saat 19.00-da keçiriləcəkdir.

Tədbirə qatılmaq üçün: https://www.facebook.com/events/751487891926718/