"INNOLAND" beynəlxalq proqramın regional müraciətlərini qiymətləndirəcək
14 Dekabr, 2018

"INNOLAND" beynəlxalq proqramın regional müraciətlərini qiymətləndirəcək

Estoniya hökumətinin təşəbbüsü ilə yaradılmış Startap Estonia və “Garage 48” Akselerasiya Mərkəzinin nümayəndə heyəti  “INNOLAND” İnkubasiya və Akselerasiya Mərkəzi ilə tanış olub.

Qonaqlara mərkəzdə fəaliyyət göstərən Kovörkinq, İnkubasiya, Akselerasiya və İT Təlim-Tədris Mərkəzinin fəaliyyəti, o cümlədən startaplarla bağlı ətraflı məlumat verilib.

Sonra tərəflər arasında əməkdaşlıq memorandumları imzalanıb.

Əməkdaşlıq memorandumları yerli texnologiya startapları üçün sahibkarlığa dəstək ekosisteminin və tərəflər üçün müvafiq regionda investor imkanlarının yaradılmasını, inkişaf etdirilməsini, inkubasiya və akselerasiya proqramlarının effektiv mübadiləsini, eləcə də yerli və xarici investorları cəlb etmək üçün məlumat mübadiləsinin aparılmasını və bu kimi digər qarşılıqlı razılaşdırılmış tədbirlərin görülməsini özündə ehtiva edir.

“Startap Estonia” Mərkəzi ilə imzalanmış memorandum çərçivəsində əldə olunmuş razılığa əsasən, “Startap Estoniya Vizası” proqramına daxil olmuş regional müraciətlərin ilkin qiymətləndirilməsi Azərbaycanda həyata keçiriləcək. Belə ki, Rusiya, Gürcüstan, Monqolustan, İran, Əfqanıstan kimi regional ölkələrdən müvafiq proqrama müraciət edəcək startaplar ilkin olaraq “INNOLAND” İnkubasiya və Akselerasiya Mərkəzi tərəfindən qiymətləndiriləcək. Yalnız ilkin mərhələni uğurla başa vurmuş startaplar proqramın növbəti mərhələsinə keçid ala biləcək. Bu isə ölkəmizə regional startapçıların və layihələrin cəlb edilməsində, startap ekosisteminin uğur potensialının artırılmasında böyük rol oynayacaq.

Qeyd edək ki, “Startap Estoniya Vizası” proqramı 2017-ci ildə Estoniya Startap Komitəsi və Estoniyanın Daxili İşlər Nazirliyinin birgə təşəbbüsü ilə yaradılıb. Proqramın əsas məqsədi Avropa Birliyinə daxil olmayan ölkələrdə fəaliyyət göstərən uğurlu startapçıların və layihələrin Estoniyaya gəlməsini asanlaşdırmaqdır. Belə ki, “Startap Estoniya Vizası” proqramına müraciət etmiş və uğurlu hesab edilmiş startapçılara xüsusi kod verilir. Onlar və komanda yoldaşları bu kod vasitəsilə Estoniyada 5 ilə qədər yaşama icazəsi ala bilərlər.

Ətraflı oxu

Digər xəbərlər

innoland news image

V “TUSİ” inkubasiya proqramı Dövlət Gömrük Komitəsinin Akademiyasında

V “TUSİ” inkubasiya proqramı Dövlət Gömrük Komitəsinin Akademiyasında

Keçirilən infosessiyada tələbələrə inkubasiya proqramının təqdimatı edilib, startap ideyasının formalaşdırılması, komanda quruculuğu və proqram çərçivəsində təqdim olunan imkanlar barədə məlumat verilib. Görüş zamanı iştirakçıların sualları da cavablandırılıb. 

Siz də inkubasiya proqramına qoşulmaq üçün elə indi qeydiyyatdan keçin:  https://gub.icenter.az/home

Proqram çərçivəsində iştirakçılar: Startap ideyasını inkişaf etdirmək üçün praktiki biliklər əldə edəcək, sahə üzrə mütəxəssislərin təlim və mentor dəstəyindən yararlanacaq, layihələrini məhsul və ya xidmətə çevirmək istiqamətində istiqamət alacaq, startap ekosistemində yeni əlaqələr və əməkdaşlıq imkanları qazanacaqlar, innovativ ideyalarınızı reallaşdırmaq və startap dünyasına ilk addımı atmaq istəyirsinizsə, siz də proqramımıza qoşulun!

Ətraflı oxu
innoland news image

“Tarixin izi ilə: yaddaşımız gələcəyimizdir” V Gənclər Düşərgəsində iştirakçılar üçün “İnnovasiya və süni intellekt” mövzusunda təlim keçib.

“INNOLAND” İnkubasiya və Akselerasiya Mərkəzinin rəhbəri Nicat Əmiraslanov “Tarixin izi ilə: yaddaşımız gələcəyimizdir” V Gənclər Düşərgəsində iştirakçılar üçün “İnnovasiya və süni intellekt” mövzusunda təlim keçib.

Təlim zamanı iştirakçılara innovasiya ekosisteminin formalaşması, yaradıcı düşüncənin və problemlərin həllində innovativ yanaşmaların əhəmiyyəti, həmçinin süni intellekt texnologiyalarının gündəlik həyata, təhsilə və əmək bazarına təsiri barədə ətraflı məlumat verilib.

Daha sonra iştirakçılar arasında qrup işləri təşkil olunub. Komandalar şəklində çalışan iştirakçılar müxtəlif tapşırıqlar üzərində işləyərək innovativ ideyalar hazırlayıb və təqdim ediblər.

Ətraflı oxu
innoland news image

“Gələcək üçün bacarıqlar” layihəsinin V “TUSİ” inkubasiya proqramı çərçivəsində təlimlər davam edir!

“Gələcək üçün bacarıqlar” layihəsinin V “TUSİ” inkubasiya proqramı çərçivəsində təlimlər davam edir!
 
Növbəti təlim “Lean Startup: ideyanın yoxlanması və MVP-nin hazırlanması” mövzusuna həsr olunub. Təlimi Azərbaycan Memarlıq və İnşaat Universitetinin "İnnovativ Biznes İnkubator" şöbəsinin müdiri Rasim Abdullayev aparıb.
 
İştirakçılar startap ideyalarının yoxlanılması, müştəri ehtiyaclarının müəyyənləşdirilməsi və minimum işlək məhsulun (MVP) hazırlanması ilə bağlı praktiki biliklər əldə ediblər. Həmçinin fərziyyələrin sınaqdan keçirilməsi, istifadəçi rəylərinin toplanması və məhsulun əldə olunan nəticələr əsasında təkmilləşdirilməsi müzakirə olunub.
İştirakçıları qarşıdakı təlimlərdə yeni mövzular, praktiki biliklər və fərqli imkanlar gözləyir!
Ətraflı oxu