Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzinin rezidenti "Botbox" Gürcüstanda keçiriləcək "Dünya Startap Kuboku"nun regional tədbirində iştirak edəcək. 

"Botbox" "Dünya Startap Kuboku"nun regional tədbirində ilk 10-luğa daxil olub. Tədbirə müxtəlif ölkələrdən 60-dan çox startap müraciət edib. Qalib startap final mərhələsi üçün Silikon Vadisinə gedəcək və 1 milyon ABŞ dolları üçün mübarizə aparacaq.

Qeyd edək ki, "Botbox" kiçik və orta sahibkarlara maneəsiz kömək etmək və məşhur mesajlaşma tətbiqləri vasitəsilə prosesləri avtomatlaşdırmaq üçün hazırlanmış platformadır.

"INNOLAND" İnkubasiya və Akselerasiya Mərkəzinin nümayəndələri ABŞ Beynəlxalq İnkişaf Agentliyinin maliyyə dəstəyi və SUP VC-nin təşkilatçılığı ilə keçirilən AgroTech Hackathon tədbirində iştirak ediblər.

Gəncədə, Azərbaycan Dövlət Aqrar Universitetində baş tutan "AgroTech Workshop" tədbiri innovativ texnologiya, robototexnika və süni intellekt kimi texnoloji tendensiyaların kənd təsərrüfatı sahəsində tətbiqinin əhəmiyyətinə həsr olunub. 

Tədbirin açılışında "INNOLAND" İnkubasiya və Akselerasiya Mərkəzinin direktoru Məmməd Kərimov da çıxış edərək Mərkəzin startap və innovasiya ekosisteminə verdiyi töhfələrdən danışıb. 

Həmçinin Mərkəzin startaplarla iş üzrə mütəxəssisi Tengiz Ağakişiyev tədbir çərçivəsində keçirilən "AgroTech hackathon"da münsiflər heyəti qismində iştirak edib.

Tədbirdə iştirakçılara kənd təsərrüfatında innovasiyaların tətbiqi, vertikal əkinçilik, yeni trendlərin izlənməsi mövzularında məlumat verilib. Tədbirə qatılanlar kənd təsərrüfatında müxtəlif problemlərə innovativ həllər tətbiq etmək üçün komanda şəklində işləyiblər. Kənd təsərrüfatı sahəsində ən yaxşı həll yolunu təqdim edən "Desafio", "AgroTech 1", "Bayraqdar"  komandaları ilk üçlükdə yer alaraq qalib olublar. 

Qeyd edək ki, INNOLAND" İnkubasiya və Akselerasiya Mərkəzi Azərbaycanda startap ekosisteminin inkişafı, biznes mühitinin gücləndirilməsi, dünyanın müxtəlif  ölkələrindən innovativ texnoloji sahədə fəaliyyət göstərən azərbaycanlıların ölkəmiz ilə əlaqələrinin daha da möhkəmləndirilməsi istiqamətində fəaliyyət göstərir.

"Global Hack" mövcud böhran - Covid -19 pandemiyası qarşısında təcili olaraq lazım olan həllər üçün fikir mübadiləsi və onları sürətli şəkildə inkişaf etdirmək, habelə post-pandemiya dövründə davamlılıq yaratmaq üçün hazırlanmış onlayn hakatondur. Məqsəd dünya səviyyəli mentorları və istedadlı komandaları bir araya gətirərək daha yaxşı bir gələcək üçün həll yolları yaratmaqdır. 13 mart tarixində Estoniyada başlayan hakaton artıq bütün dünyanın diqqətini cəlb edib. Dünyanın bir çox ölkələrindən olan qurumlar və startap mərkəzləri bu hərəkata qoşulub. 

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzi olaraq biz də "Global Hack" hakatonunun tərəfdaşı olduq.

9-12 Aprel tarixlərində onlayn şəkildə keçiriləcək "Global Hack" hakatonuna siz də qoşulun. 

Daha ətraflı: https://theglobalhack.com/