Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzinin rezidenti "Botbox" Gürcüstanda keçiriləcək "Dünya Startap Kuboku"nun regional tədbirində iştirak edəcək. 

"Botbox" "Dünya Startap Kuboku"nun regional tədbirində ilk 10-luğa daxil olub. Tədbirə müxtəlif ölkələrdən 60-dan çox startap müraciət edib. Qalib startap final mərhələsi üçün Silikon Vadisinə gedəcək və 1 milyon ABŞ dolları üçün mübarizə aparacaq.

Qeyd edək ki, "Botbox" kiçik və orta sahibkarlara maneəsiz kömək etmək və məşhur mesajlaşma tətbiqləri vasitəsilə prosesləri avtomatlaşdırmaq üçün hazırlanmış platformadır.

13 sentyabr saat 20:00-da Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzinin rezidenti və SUP Akselerasiya Mərkəzinin məzunu Vriendly öz virtual platformasında Adam Draper və təşəbbüskarların iştirakı ilə təlim sessiyasını həyata keçirəcək.                                                                                                

Bu təşəbbüs dünyada akselerasiya mərkəzləri ilə startaplar arasında virtual reallıqda həyata keçirilən ilk tədbirdir. Tədbir üç hissədən ibarət olacaq:

• Təlimin əsas hissəsi (45 dəqiqə)
• Sual və cavab (15 dəq)
• Seçilmiş startaplar ilə üzbəüz sessiya (hər biri 5 dəq olmaqla)

Silikon Vadisi mühitinin dünyanın bütün ekosistemlərindən fərqli olduğu haqqında hər bir startap və investor xəbərdardır. Bunu nəzərə alaraq, təşkil olunan tədbirdə Silikon Vadisində investorlar ilə münasibətləri necə formalaşdırmaq, təşəbbüskarlarla necə işləmək və investisiyanı necə cəlb etmək məsələləri müzakirə olunacaq.

Qeyd edək ki, Adam Draper məhşur Silikon Vadisi vençur investorlarından olan milyarder Tim Draperin oğludur. O, həm də virtual reallıq sahəsində ixtisaslaşmış, bu sahə üzrə dünyanın ən güclü akselerasiya mərkəzi hesab edilən Boost VC-nin qurucusu və icraçı direktorudur.

Tədbirlə maraqlanan iştirakçılar sentyabr ayının 13-ü “INNOLAND” İnkubasiya və Akselerasiya Mərkəzində canlı izləyə bilərlər.

Tədbir haqqında ətraflı məlumat: https://vriendly.co/

Tədbirdə iştirak etmək üçün : https://www.facebook.com/events/366000924075068/

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzinin rezidenti və SUP Akselerasiya Mərkəzinin məzunu Vriendly öz virtual platformasında Adam Draper və təşəbbüskarların iştirakı ilə təlim sessiyasını həyata keçirib.

Bu təşəbbüs dünyada akselerasiya mərkəzləri ilə startaplar arasında virtual reallıqda həyata keçirilən ilk tədbir olub. Tədbir üç hissədən ibarət olub:

- Təlimin əsas hissəsi
- Sual və cavab
- Seçilmiş startaplar ilə üzbəüz sessiya

Silikon Vadisi mühitinin dünyanın bütün ekosistemlərindən fərqli olduğu haqqında hər bir startap və investor xəbərdardır. Tədbirdə Silikon Vadisində investorlar ilə münasibətləri necə formalaşdırmaq, təşəbbüskarlarla necə işləmək və investisiyanı necə cəlb etmək məsələləri müzakirə olunub.
Adam Draper məhşur Silikon Vadisi vençur investorlarından olan milyarder Tim Draperin oğludur. O, həm də virtual reallıq sahəsində ixtisaslaşmış, bu sahə üzrə dünyanın ən güclü akselerasiya mərkəzi hesab edilən Boost VC-nin qurucusu və icraçı direktorudur.