Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzində "Süni intellekt və əhəmiyyəti" mövzusunda görüş baş tutub. Görüş “ATL Tech”in #Expertech tədbiri daxilində keçirilib.
Elektron Hökümətin İnkişafı Mərkəzinin direktoru Fariz Cəfərov və "ATL Tech" şirkətinin rəhbəri Vurğun Hacıyev süni intellekt, onun imkanları, əhəmiyyəti və gələcəyə təsirindən danışıblar.
Lənkəran regional “ASAN xidmət” mərkəzinin əməkdaşlarının bilik və bacarıqlarının artırılması məqsədilə “İnnovasiyalar Mərkəzi”nin “INNOLAND” şöbəsinin müdiri Nicat Əmiraslanov və mərkəzin ictimaiyyətlə əlaqələr üzrə baş mütəxəssisi Nofəl Əliyev tərəfindən 3 günlük təlim proqramı keçirilib.
Təlim müddətində iştirakçılara həm nəzəri, həm də praktiki biliklər təqdim olunub:
İdeya nədir və ideya generasiyası üsulları
Startap anlayışı və startap qurmaq üçün ilk addımlar
Effektiv təqdimat bacarıqları
Süni zəka alətlərindən istifadə yolları və faydaları
Təlimlər interaktiv yanaşma əsasında təşkil olunub. İştirakçılar qrup halında fəaliyyət göstərib, komanda işində iştirak edib, real ssenarilər əsasında tapşırıqlar yerinə yetirib və interaktiv oyunlarla öyrəndiklərini möhkəmləndiriblər.
“INNOLAND” İnkubasiya və Akselerasiya Mərkəzinin “Bank Respublika” ilə birgə həyata keçirdiyi Akselerasiya proqramına qəbul edilən startaplar 18 yanvar tarixində Demo Day-də çıxış edəcəklər. "Bank off", "Paylink", "Fintrack", "One Point" və "Dama Dama" startapları investorlar qarşısında öz layihələrini təqdim edərək investisiya almaq şansı əldə edəcəklər.
“Demo Day”in keçirilməsində məqsəd maliyyə ehtiyacı olan startaplar və sərmayə qoymaq istəyən investorları bir araya gətirmək və tərəflər arasında sağlam mühitdə davamlı əlaqələrin qurulmasına dəstək göstərməkdir.
Hər il müxtəlif ölkələrdə keçirilən "Techcrunch Disrupt" tədbiri bu il 11-12 dekabr tarixlərində Berlində baş tutacaq. "INNOLAND" İnkubasiya və Akselerasiya Mərkəzi və "SUP" Akseleratorunun təşkilatçılığı ilə "Disrupt Berlin 2019"da ilk dəfə Azərbaycan pavilyonu sərgilənəcək.
"Techcrunch Disrupt" dünyanın bir çox ölkələrindən startap ekosistemini bir araya gətirən beynəlxalq miqyaslı tədbirdir.
İştirak edəcək startapçıların Berlində 2 günlük qalma, "Disrupt Berlin 2019"a pulsuz bilet və tədbirdə öz startaplarını təqdim etmək üçün stend yeri "INNOLAND" İnkubasiya və Akselerasiya tərəfindən təmin olunacaq.
Tədbirdə iştirak etmək üçün qeydiyyat linki: http://www.sup.vc/techcrunch/