Adam Draper ilə virtual reallıqda təlim təşkil edilib
13 Sentyabr, 2019

Adam Draper ilə virtual reallıqda təlim təşkil edilib

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzinin rezidenti və SUP Akselerasiya Mərkəzinin məzunu Vriendly öz virtual platformasında Adam Draper və təşəbbüskarların iştirakı ilə təlim sessiyasını həyata keçirib.


Bu təşəbbüs dünyada akselerasiya mərkəzləri ilə startaplar arasında virtual reallıqda həyata keçirilən ilk tədbir olub. Tədbir üç hissədən ibarət olub:

- Təlimin əsas hissəsi
- Sual və cavab
- Seçilmiş startaplar ilə üzbəüz sessiya

Silikon Vadisi mühitinin dünyanın bütün ekosistemlərindən fərqli olduğu haqqında hər bir startap və investor xəbərdardır. Tədbirdə Silikon Vadisində investorlar ilə münasibətləri necə formalaşdırmaq, təşəbbüskarlarla necə işləmək və investisiyanı necə cəlb etmək məsələləri müzakirə olunub.
Adam Draper məhşur Silikon Vadisi vençur investorlarından olan milyarder Tim Draperin oğludur. O, həm də virtual reallıq sahəsində ixtisaslaşmış, bu sahə üzrə dünyanın ən güclü akselerasiya mərkəzi hesab edilən Boost VC-nin qurucusu və icraçı direktorudur.

Ətraflı oxu

Digər xəbərlər

innoland news image

Kənd təsərrüfatı startaplarına dəstək veriləcək

8 yanvar 2019-cu il tarixində Azərbaycan Respublikasının Kənd Təsərrüfatı Nazirliyinin dəstəyi ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzi tərəfindən reallaşdırılacaq "Kənd təsərrüfatı texnologiyaları üzrə startapların akselerasiya proqramı”nın təqdimat mərasimi keçirilib.

Tədbirdə Azərbaycan Respublikasının kənd təsərrüfatı nazirinin innovasiyalar üzrə müşaviri Şəbnəm Məmmədova çıxış edərək nazirlik tərəfindən aqrar sahədə innovasiyaların tətbiqi üzrə müxtəlif tədbirlərin həyata keçirildiyini vurğulayıb. Bildirilib ki, reallaşdırılan tədbirlər sırasında cari ildə ilk olaraq "Kənd təsərrüfatı texnologiyaları üzrə startapların akselerasiya proqramı"nın həyata keçirilməsinə başlanılıb, bu istiqamətdə 5-20 yanvar tarixləri üçün proqrama qəbul elan olunub.

Eyni zamanda Şəbnəm Məmmədova diqqətə çatdırıb ki, aqrar sahədə innovasiya və yeni texnologiyaların tətbiqi üzrə startaplara başqa istiqamətlərdə də dəstəyin göstərilməsi nəzərdə tutulur.

“INNOLAND” İnkubasiya və Akselerasiya Mərkəzinin direktoru Məmməd Kərimov mərkəz tərəfindən həyata keçirilən tədbirlər, o cümlədən startaplara dəstək mexanizmlərindən bəhs edib. Qeyd olunub ki, Kənd Təsərrüfatı Nazirliyinin dəstəyi ilə həyata keçirilən "Kənd təsərrüfatı texnologiyaları üzrə startapların akselerasiya proqramı" aqrar startapçıların innovativ ideyalarının reallaşması üçün əlverişli şərait yaradacaq.

Görüş tərəflər arasında gələcək əməkdaşlıq prespektivləri, həmçinin kənd təsərrüfatı sahəsində ideya sahiblərinə digər dəstək və stimullaşdırıcı tədbirlərin həyata keçirilməsi istiqamətində müzakirələr ilə davam etdirilib.

“INNOLAND” Azərbaycanda, eyni zamanda onun hüdudlarından kənarda özəl sektorun inkişaf etdirilməsi, innovasiyanın təşviqi və startap hərəkatının genişləndirilməsi üçün yaradılan inkubasiya, akselerasiya və araşdırma mərkəzidir. INNOLAND Kovörkinq, İnkubasiya, Akselerasiya və İT Təlim-Tədris Mərkəzindən ibarətdir.

Ətraflı oxu
innoland news image

Startap qurmaq istəyənlər üçün onlayn təlim keçiriləcək

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzi, "SUP.VC" və "NEXT STEP"in birgə təşkilatçılığı ilə 3 iyul tarixində "Startap ideyamı necə tapım?" mövzusunda təlim baş tutacaq.

Təlimdə "INNOLAND"in startaplarla iş üzrə mütəxəssisi Tengiz Ağakişiyev, "NEXT STEP" İnnovasiya Mərkəzinin direktoru Rəşad Eyvazov və "SUP.VC" şirkətinin direktoru Vüsal Kərimli spiker kimi çıxış edəcəklər. Startap sahəsində dərin təcrübəyə sahib olan spikerlər öz təcrübələrini paylaşacaq və təlimə qatılanları startap dünyasına istiqamətləndirəcəklər.

Təlim onlayn şəkildə "Facebook" platformasında baş tutacaq.

Ətraflı oxu
innoland news image

INNOLAND rezidenti “KidFi” Web Summit Qatar 2026-da Azərbaycanı təmsil edib.

INNOLAND rezidenti “KidFi” Web Summit Qatar 2026-da Azərbaycanı təmsil edib.
Rezidentimiz "KidFi" 1–4 fevral tarixlərində Doha şəhərində keçirilən Web Summit Qatar 2026 beynəlxalq texnologiya tədbirində iştirak edərək Azərbaycanı uğurla təmsil edib.
“KidFi” qlobal səhnədə nələri təqdim edib?
* EdTech və FinTech istiqamətində innovativ həllərini,
* 240-dan çox videodan ibarət maliyyə savadlılığı platformasını,
* Uşaqlar üçün nəzərdə tutulmuş müasir və interaktiv öyrənmə modelini nümayiş etdirib.
Web Summit Qatar 2026 “KidFi” üçün beynəlxalq tanıtımın gücləndirilməsi, yeni tərəfdaşlıqların qurulması və qlobal ekosistemə inteqrasiya baxımından mühüm platforma olub.
Qeyd edək ki, tədbir 30 000-dən çox iştirakçını, 1 600-dən artıq startapı və yüzlərlə investor və sənaye liderini bir araya gətirib.
Ətraflı oxu