"INNOLAND"in 3 rezidenti "Disrupt Berlin 2019"da Azərbaycanı təmsil edəcək
8 Dekabr, 2019

"INNOLAND"in 3 rezidenti "Disrupt Berlin 2019"da Azərbaycanı təmsil edəcək

11-12 dekabr tarixlərində Berlində baş tutacaq  "Disrupt Berlin 2019" tədbirində "INNOLAND" İnkubasiya və Akselerasiya Mərkəzinin təşkilatçılığı ilə ilk dəfə Azərbaycan pavilyonu sərgilənəcək. Tədbirdə Azərbaycanı "INNOLAND"dən "Nextsale", "Botbox", "Qreact" eləcə də "Joopzy", "Wexplain" və "Wandafi" startapları təmsil edəcək.

TechCrunch Disrupt öz sahəsində dünyanın aparıcı, nüfuzlu tədbirlərindəndir. Həmçinin “TechCrunch Disrupt” dünyanın ən böyük startap tədbiri hesab olunur.

İldə 2 dəfə keçirilən bu tədbir yaz sessiyasında Amerikada San-Fransisko şəhərində, payız sessiyasında isə Almaniyanın Berlin şəhərində baş tutur.

Disrupt, ən yaxşı və parlaq startapları, investorları, hakerləri və texnologiya pərəstişkarlarını bir araya gətirir. Tədbir çərçivəsində müxtəlif “Startup Battlefield”, 24 saatlıq açıq Hackathonlar, “Startup Alley”, “Hardware Alley” müxtəlif panel müzakirələri, seminarlar, workshoplar təşkil olunur.

Tədbir dünyanın ən böyük startap portalı olan “TechCrunch.com”la yanaşı dünyanın 200-dən çox mediyasında yayımlanır.

“TechCrunch Disrupt 2019” startapçıların investisiya qazanmaları üçün də böyük imkan yaradır. Belə ki, hər il tədbir çərçivəsində investorlarla startapçıların görüşü təşkil olunur.

Bu il keçiriləcək tədbirdə iştirak edəcək startapların UIPath, Samsung və Naspers kimi böyük şirkətlərin rəhbərləri ilə, eləcə də Atomico, SoftBank və İndeksin aparıcı investorları ilə görüşmək imkanı olacaq.

Həmçinin adı keçən şirkətlərin rəhbərləri müxtəlif panel müzakirələrində startapçılarla öz uğur hekayələrini və təcrübələrini bölüşəcəklər.

“TechCrunch Disrupt 2019” tədbirində “Startup Battlefield”də iştirak edəcək və qalib gələcək 1 komanda 50.000 USD qazanacaq.

“TechCrunch Disrupt 2019” çərçivəsində müxtəlif tədbirlərlə yanaşı dünyanın müxtəlif ölkələrindən olan startaplar üçün sərgi təşkil olunacaqdır. Bu il ilk dəfə olaraq bu mötəbər tədbirdə Azərbaycan pavilyonu qurulacaq ki, bu pavilyonda Azərbaycandan olan 6 startap öz məhsullarını sərgiləyə biləcəklər. Həmçinin ölkəmizi təmsil edəcək startaplar investorlarla görüş, 50.000 dollarlıq “Startup Battlefield”də qalib olmaq uğrunda yarışda iştirak şansı əldə edəcəklər. Startaplarımız eləcə də tədbirin digər bütün imkanlarından yararlana biləcəklər.

Ətraflı oxu

Digər xəbərlər

innoland news image

"INNOLAND"də kibertəhlükəsizlik mövzusunda görüş keçiriləcək

Kibertəhlükəsizlik həftəsi çərçivəsində kiber startapların təşviqi məqsədi ilə "INNOLAND" İnkubasiya və Akselerasiya Mərkəzində Nəqliyyat, Rabitə və Yüksək Texnologiyalar Nazirliyinin təşəbbüsü ilə Kibertech startapçıları və kibertəhlükəsizlik üzrə ekspertlər ilə görüş keçiriləcək. 

3 mart saat 16:00-da baş tutacaq görüşdə spiker qismində Guy Zbarsky, Toğrul Səmədov, Rəşad Əliyev və Rauf Quliyev çıxış edəcək.

Ətraflı oxu
innoland news image

“Ecole 42” şirkətinin icraçı direktoru ilə görüş keçirilib

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ulvi Mehdiyev  Fransanın “Ecole 42” şirkətinin icraçı direktoru Sofi Viger ilə görüşüb. 
Görüş zamanı Ülvi Mehdiyev kompüter elmləri, informasiya təhlükəsizliyi, süni intellekt və s. üzrə ixtisaslı mütəxəssislərin hazırlanması istiqamətində görülən işlər barədə məlumat verib. Həmçinin Elektron Hökumətin İnkişafı Mərkəzinin (EHİM) rəqəmsallaşdırma, müvafiq istiqamətdə bilik və bacarıqların yüksəldilməsi, cəmiyyətin bütün üzvlərinin informasiya texnologiyalarının yaratdığı imkanlardan istifadəsinə şərait yaradılması sahəsində gördüyü işlərdən, həyata keçirilən layihələrdən və beyəlxalq təcrübənin tətbiqindən danışıb.
Sonra Sofi Viger “INNOLAND” İnkubasiya və Akselerasiya Mərkəzinin fəaliyyəti ilə tanış olub. Qonaq müxtəlif layihələr, yerli startaplar üçün qlobal səviyyədə sərmayələrin cəlbi, onların inkişafı üçün yaradılan imkanlar barədə məlumatlandırılıb.
15 min nəfərdən artıq məzunu olan “Ecole 42” proqramlaşdırma məktəblərinin dünyanın 25 ölkəsində 42 kampusu fəaliyyət göstərir. Azərbaycanda “Baku Ecole 42” kampusunun yaradılması layihəsi Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və Rəqəmsal İnkişaf və Nəqliyyat Nazirliyi tərəfindən birgə həyata keçirilir.

Ətraflı oxu
innoland news image

“Strategiya və Maliyyə” Butkampı uğurla başa çatdı!

 “Strategiya və Maliyyə” Butkampı uğurla başa çatdı!

“INNOLAND” İnkubasiya və Akselerasiya Mərkəzi və “I Can Advisory” şirkətinin birgə təşkilatçılığı ilə startaplar üçün təşkil edilən 6 həftəlik intensiv “Strategiya və Maliyyə” butkampı uğurla yekunlaşdı. Proqram müddətində iştirakçılar startapların inkişafı üçün mühüm əhəmiyyət kəsb edən istiqamətlər üzrə təlimlərdə həm nəzəri biliklər, həm də praktiki bacarıqlar əldə etdilər. Təlimlər maliyyə menecmenti və davamlı maliyyə sahəsində ixtisaslaşmış peşəkar məsləhətçi Dr. İbrahim Can tərəfindən keçirildi. Bu butkamp startapların düzgün strategiya qurması, effektiv maliyyə planlaşdırması aparması və davamlı inkişaf etməsi istiqamətində onların bilik və bacarıqlarının gücləndirilməsinə mühüm töhfə verdi.

Ətraflı oxu