Azərbaycan Respublikasının Prezidenti yanında Vətəndaşlara Xidmət və  Sosial İnnovasiyalar üzrə Dövlət Agentliyinin “İnnovasiyalar Mərkəzi”nin təşkilatı dəstəyi ilə Azərbaycan Robotexnika Mühəndisliyi Akademiyası tərəfindən "INNOLAND" İnkubasiya və Akselerasiya Mərkəzində reallaşdırılan “NASA Space Apps Challenge” hakatonu yekunlaşıb.

Hakatonun bağlanış tədbirində Dövlət Agentliyinin “İnnovasiyalar Mərkəzi”nin direktoru Vüsal Rüstəmov, Rəqəmsal İnkişaf və Nəqliyyat Nazirliyi yanında Kosmik Agentliyin ("Azərkosmos") Strategiya və biznesin inkişafı departamentinin direktoru Natavan Həsənova, “NASA Space Apps Baku”nun layihə rəhbəri Nigar Rəsulzadə və digər qonaqlar iştirak ediblər.

Hakatonun məqsədi qlobal əhəmiyyətli prioritet istiqamətlərdə qeyd olunan mövzulara dair açıq mənbəli həllər yaratmaq, müvafiq sahələrin elmi tədqiqinə maraq oyatmaq, yeni nəsil alimlərin, texnoloqların, dizaynerlərin və mühəndislərin böyüməsini və müxtəlifliyini təşviq etməkdir. 

Müsabiqədə 690 müraciətçidən müsabiqə üsulu ilə seçilmiş 23 komanda 36 saat ərzində (7-8 oktyabr tarixində) hakatonun əsas mövzuları olan iqlimin idarəolunması, təhsil texnologiyaları, yanğınların idarəolunması, virtual və artırılmış reallıqlar, sosial layihələr istiqamətlərində tapşırıqları həll edib.  

Bağlanış tədbirində komandaların hazırladıqları prototiplər münsiflər heyəti tərəfindən qiymətləndirilib. Orijinallığı, konseptləri,  ixtiraçılığı ilə fərqlənən, yaradıcı problem həlli və qeyri-standart düşünmə nümayiş etdirən həllər 3 yer üzrə seçilib. 

Komandalar arasından "Optimum"  1-ci yerə, "Proxima" 2-ci yerə, "PlatonTech" isə 3-cü yerə layiq görülüb.

Sonda qalib komandalara mükafatlar təqdim olunub. 

Ölkə üzrə qalib gələn komandalar dünyanın 350 şəhərində keçirilmiş hakaton qalibləri ilə birgə yarışacaqlar.

Резидент «INNOLAND» успешно представил себя на «Digital Startup Awards 2025»!

12–13 декабря в городе Ташкент состоялся грандиозный финал международной программы «Digital Startup Awards», организованный Министерством цифровых технологий Республики Узбекистан, «IT Park Uzbekistan» и «IT Park Ventures». Общий призовой фонд программы, являющейся одной из крупнейших стартап-инициатив Центрально-Азиатского региона, составил 1 миллион долларов США.

В инкубационной программе наш резидент-стартап «Lingozy», представляющий Азербайджан, получил приз в размере 10 тысяч долларов США.

Отметим, что стартапы из Азербайджана в общей сложности выиграли гранты на сумму 70 тысяч долларов США. В рамках акселерационной программы стартап «Recepta» получил 50 тысяч долларов, а стартап «SnackPack AZ» – 10 тысяч долларов в рамках инкубационной программы. Кроме того, в финальном этапе в категории «Best Startup Project» Азербайджан представили стартапы «StarkidStories» и «Tryverse». Другими стартапами из Азербайджана, получившими право участия в инкубационной программе, стали «Crable», «himate.az» и «OLSUN».

Программа «Digital Startup Awards» способствовала усилению сотрудничества между региональными стартап-экосистемами, а также продвижению азербайджанских стартапов на международной арене и расширению возможностей для их дальнейшего развития.

Türkiyədən gələn iş adamları Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "İnnovasiyalar Mərkəzi"nin qonağı olublar. Səfər, Kiçik və Orta Biznes Subyektləri və Klublarının Assosiasiyasının (KOBSKA) təşkilatçılığı ilə baş tutub.

Qonaqlara "İnnovasiyalar Mərkəzi"ndə startap və innovasiya ekosisteminin inkişafına göstərilən genişmiqyaslı dəstək, yeni texnologiyaların tətbiqi və innovativ layihələrin həyata keçirilməsi istiqamətində görülən işlər barədə ətraflı məlumat verilib. Xüsusilə, startapların inkişafına dəstək məqsədilə keçirilən hakatonlar, startap akselerasiya proqramları, eləcə də investorlarla keçirilən görüş və şəbəkələşmə tədbirləri vurğulanıb.

Bununla yanaşı, ali təhsil müəssisələri ilə qurulan məhsuldar əməkdaşlıqlar, eləcə də əmək bazarının tələblərinə cavab verən innovativ təlim proqramları vasitəsilə yeni ixtisaslar üzrə peşəkar kadrların hazırlanması və müasir biliklərə sahib mütəxəssislərin yetişdirilməsi məsələləri də diqqətə çatdırılıb.

Görüş çərçivəsində tərəflər qarşılıqlı maraq doğuran layihələr, ortaq iş imkanları və potensial əməkdaşlıqlar haqqında geniş müzakirələr aparıblar. Həm Azərbaycanda, həm də Türkiyədə kiçik və orta biznesin inkişafına töhfə verə biləcək gələcək əməkdaşlıq istiqamətləri də diqqət mərkəzində olub.