İnnovasiya və Rəqəmsal İnkişaf Agentliyinin (İRİA) dəstəyi, SUP VC-nin təşkilatçılığı ilə Naxçıvan Dövlət Universitetində “Azərbaycan startaplara verilən dəstək” mövzusunda INNOSTART adlı panel müzakirə təşkil olunub.
“INNOLAND” İnkubasiya və Akselerasiya Mərkəzinin müdiri Nicat Əmiraslanov, UNEC İnkubasiya Mərkəzinin direktoru Mübariz Şahbazlı və NDU IT şöbəsinin müdiri Hüseyn Əsgərlinin spiker qismində çıxış etdiyi panelin əsas məqsədi region gənclərini innovasiya və startap imkanları ilə yaxından tanış etmək və onları bu sahəyə təşviq etmək olub. Panel zamanı startaplara göstərilən dövlət dəstəyi mexanizmləri, investisiya imkanları və innovasiya mühiti ətrafında geniş fikir mübadiləsi aparılıb.
"Kiber One Baku - Beynəlxalq İT Məktəbi"nin şagirdləri INNOLAND-də qonaq oldular. Şagirdlər INNOLAND İnkubasiya və Akselerasiya Mərkəzi ilə yaxından tanış olaraq ölkəmizdəki innovasiya və startap ekosistemini kəşf etdilər. Mərkəzin məqsəd və xidmətləri haqqında geniş məlumat alan şagirdlər rezident startaplarla birbaşa ünsiyyət qurdular, suallarını ünvanladılar və real layihələrlə tanış oldular. Ziyarət çərçivəsində uşaqlar həm də iLAB innovativ laboratoriyasının fəaliyyətini izlədilər, burada yaradıcı ideyaların prototiplərə çevrilməsi prosesini gördülər.
4-cü “YAŞAT” düşərgəsinin 2-ci həftəsində də maraqlı və əyləncəli anlar yaşanıb.
Düşərgə çərçivəsində "INNOLAND" İnkubasiya və Akselerasiya Mərkəzinin əməkdaşı Tofiq Sadıqzadə tərəfindən "İnnovativ ideya: böyük ixtiralar balaca xəyallardan başlayır" mövzusu üzrə təlimində uşaqlar bacarıqlarını sınayıb və yeni biliklər əldə ediblər.
Öz çəkdikləri fotoları süni zəka ilə işləyiblər. Elə həmin görüntüləri də sizinlə bölüşürük.
"INNOLAND"in rezidenti "E-legal" startapı uğurla "exit" edib!
Azərbaycanın hüquq texnologiyaları sahəsində öz yanaşması ilə seçilən və "INNOLAND" İnkubasiya və Akselerasiya Mərkəzinin rezidenti olmuş "E-Legal" startapı ABŞ-da uğurla exit edib!
Təsisçisi Səmayə Həbibova olan "E-Legal" startapı hüquqi xidmətləri rəqəmsallaşdıraraq istifadəçilərə müqavilə hazırlığı, hüquqi sənədlərin avtomatlaşdırılması və onlayn məsləhət kimi imkanlar təqdim edir. 2023-cü ildə "E‑legal" ilə "ASAN xidmət" arasında 10 illik müqavilə imzalanıb. Bu anlaşma çərçivəsində ölkə üzrə 29 "ASAN xidmət" mərkəzində rəqəmsal hüquqi xidmət köşklərinin quraşdırılması planlaşdırılır.
"E-legal" komandasını təbrik edir və gələcəkdə daha böyük nailiyyətlər əldə etməyi arzulayırıq!
“INNOLAND”in dəstəyi ilə “HER IT Journey 3” layihəsinin final mərhələsi uğurla başa çatdı
2025-ci il 24 iyun tarixində “INNOLAND” İnkubasiya və Akselerasiya Mərkəzinin dəstəyi ilə mərkəzin rezident startapı olan “SAFAVY” MMC tərəfindən icra edilən “HER IT Journey 3” layihəsinin rəsmi final tədbiri keçirilib.
Layihə çərçivəsində 15 mart–15 iyun tarixlərini əhatə edən dövrdə Azərbaycanın müxtəlif regionlarından seçilmiş 20 xanım iştirakçıya “Rəqəmsal marketinq və brendləşdirmə”, “Qrafik dizayn” və yumşaq bacarıqlar üzrə hibrid formatda təlimlər təqdim olunub. Proqram boyunca iştirakçılar həmçinin sahə üzrə tanınmış mütəxəssislərlə görüşlər və təcrübə mübadiləsi imkanları əldə ediblər.
“HER IT Journey” təşəbbüsü növbəti dəfə regionlarda yaşayan, sosial həssas qruplara aid olan və ya sahibkarlıqla məşğul olan qadınların rəqəmsal bacarıqlarını inkişaf etdirməyə, onları İKT sektoruna daha fəal şəkildə inteqrasiya etməyə hədəflənib.
Qeyd edək ki, “SAFAVY” MMC ölkədə Startap şəhadətnaməsi ilə təltif olunmuş ilk yerli təhsil platforması olaraq, artıq 4 ildən çoxdur fəaliyyət göstərir. “HER IT Journey” layihəsi şirkətin qadınların texnologiya sahəsində fəal iştirakını təşviq edən ardıcıl və təsirli sosial təşəbbüslərindən biridir. Layihənin həyata keçirilməsinə PAŞA Holdinqin maliyyə dəstəyi mühüm töhfə verib.
13-15 iyun 2025-ci il tarixlərində Azərbaycan Respublikasının Gənclər və İdman Nazirliyi, Gənclər Fondu, ATGTİ-nin dəstəyi və “Enactus Azərbaycan”ın təşkilatçılığı ilə “Enactus Çempionlar Liqası Simulyasiya Düşərgəsi” baş tutub.
Gənc liderlərin inkişafını hədəfləyən bu xüsusi proqram çərçivəsində iştirakçılar həm nəzəri biliklər, həm də praktiki bacarıqlar əldə edərək sahibkarlıq dünyasına bir addım da yaxınlaşıblar.
Düşərgə müddətində iştirakçılar "İnnovasiyalar Mərkəzi"nin dəstəyi ilə keçirilən sahibkarlıq, innovasiya və layihə idarəetməsi sahələrini əhatə edən müxtəlif təlim və vörkşoplarda iştirak ediblər. Təqdimatçılar sırasında INNOLAND İnkubasiya və Akselerasiya Mərkəzinin müdiri Nicat Əmiraslanov “Sahibkarlıq və İnnovasiya”, “Sosial Sahibkarlığa Giriş” və “Təqdimat və Kommunikasiya” mövzularında çıxış edib. ASAN İnnovativ İnkişaf Mərkəzinin təlimçisi Nofəl Əliyev “Startap Quruculuğunda Süni İntellekt Alətləri” mövzusunu təqdim edib. Layihələrin İdarəedilməsi Departamentinin müdir müavini Ziniddin Babayev isə “Layihə İdarəetməsi və Strategiyası” üzrə təlimlə çıxış edib. Bu sessiyalar sayəsində iştirakçılar aktual biliklərlə yanaşı, komanda işi və strateji yanaşma bacarıqlarını da inkişaf etdiriblər.
Düşərgənin davamında isə "Enactus Milli Yarışı"nın yarımfinal və final mərhələlərinin simulyasiyası təşkil olunub. Komandalar öz layihələrini təqdim edərək rəqabət şəraitində bilik və bacarıqlarını nümayiş etdiriblər.
Simulyasiya nəticələrinə əsasən qalib komandalar:
1-ci yer – Azərbaycan Tibb Universiteti
2-ci yer – Bakı Dövlət Universiteti
3-cü yer – Lənkəran Dövlət Universiteti
Bütün komandaları təbrik edirik! Uğurlarınız davamlı olsun!
The #Green_and_Digital_Silk_Road international acceleration program is successfully expanding its scope of influence within the #Startup_School_3 project, implemented at the initiative of the Enterprise Azerbaijan portal, operated by the Center for Analysis of Economic Reforms and Communication.
Time to Take Your #Startup to the #Global Stage!
Applications are now open for the #Green_and_Digital_Silk_Road international #acceleration program!
A unique opportunity for startups working in #cleantech, #greentech, #agritech, #smart city, and #green digital solutions to build a sustainable future:
34 ecosystem partners (22 local + 12 global)
5 international venture funds – real investment opportunities
Global networking, mentorship, and market access support
Program modules focused on climate action and digital transformation
Application deadline: August 1, 2025
Apply now: https://forms.gle/Z4DfUYrPiPNV5RVE9
Not just for innovators – but for those who want to shape the future
“INNOLAND” İnkubasiya və Akselerasiya Mərkəzinin tərəfdaşlığı ilə Gəncə şəhər Heydər Əliyev Mərkəzində "İnnovasiya və Yaradıcılıq Forumu" keçirilib.
2 saylı Gəncə regional “ASAN xidmət” mərkəzi, Gənclərin İnkişaf və Karyera Mərkəzinin Gəncə-Daşkəsən regional nümayəndəliyi, Gəncə şəhər Heydər Əliyev Mərkəzi və Gəncə STEAM Mərkəzinin birgə təşkilatçılığı ilə reallaşan forum gənclərin innovativ düşüncə və texnoloji biliklərinin inkişafını dəstəkləmək məqsədi daşıyıb.
Forum çərçivəsində 200-ə yaxın gəncin iştirakı ilə “Startap ekosistemi – qlobal və lokal yanaşmalar”, “Süni intellekt: Düşüncənin yeni forması” və “Robotlar səhnədə – Yaradıcılıq və texnologiyanın vəhdəti” mövzularında panel müzakirələri aparılıb.
Müzakirələrdə “INNOLAND” İnkubasiya və Akselerasiya Mərkəzinin müdiri Nicat Əmiraslanov və “Layihələrin idarəedilməsi” departamentinin müdir müavini Ziniddin Babayev də çıxış edərək iştirakçılarla öz bilik və təcrübələrini bölüşüblər.
Sonda rəsmi çıxışlar və təltifetmə mərasimi ilə tədbir yekunlaşıb.
“INNOLAND” İnkubasiya və Akselerasiya Mərkəzi və “ADPU Enactus” beynəlxalq proqramının tərəfdaşlığı ilə Azərbaycan Dövlət Pedaqoji Universitetində “Müasir təhsildə innovasiya” tədbiri çərçivəsində panel müzakirəsi baş tutub.
Panel müzakirəsindən öncə ADPU-nun elm və innovasiyalar üzrə prorektoru Asəf Zamanov, "İnnovasiyalar Mərkəzi"nin direktorunun müşaviri Ləman Əhmədova, “INNOLAND” İnkubasiya və Akselerasiya Mərkəzinin müdiri Nicat Əmiraslanov və "ADPU ENACTUS" komandasının koordinatoru Zenfira Seyidova çıxış edərək, innovativ yanaşmaların təhsildə tətbiqinin əhəmiyyətindən bəhs edib və bu cür tədbirlərin yeni ideyaların formalaşmasına verdiyi töhfəni vurğulayıb.
Panel müzakirəsinə moderator qismində “İnnovasiyalar Mərkəzi”nin “Layihələrin idarəedilməsi” departamentinin müdir müavini Ziniddin Babayev rəhbərlik edib. Spikerlər qismində isə "Bilim Azərbaycan" layihəsinin rəhbəri Ahmet Köse, Dördüncü Sənaye İnqilabının Təhlili və Koordinasiya Mərkəzinin rəqəmsal iqtisadiyyat şöbəsinin rəhbəri Xəyalə Fətullayeva, "Enterprise Azerbaijan" portalının rəhbəri İsa Qasımov, ASAN İnnovativ İnkişaf Mərkəzinin təlim üzrə baş mütəxəssisi Aytən Quliyeva-Rzayeva və "Sosiologiya Akademiyası"nın rəhbəri Mail Yaqub çıxış ediblər.
Çıxışları zamanı spikerlər təhsildə innovativ metodların, rəqəmsal alətlərin və startap mədəniyyətinin tətbiqinin əhəmiyyəti ilə bağlı fikir və təcrübələrini bölüşüblər. Tədbir gənc müəllim və tələbələr tərəfindən böyük maraqla qarşılanıb, iştirakçılar panelistlərə suallar ünvanlayaraq geniş müzakirələr aparıblar.
Sonda iştirakçılara sertifikat təqdim edilib.