Xəbərlər

innoland news image

"INNOLAND"də Enerji Hakatonu baş tutacaq

SOCAR AQS tələbələr üçün Enerji Hakatonu layihəsinə start verir. Dayanıqlı cəmiyyət, qlobal enerji problemlərinin həllinə həsr olunan layihə zamanı müxtəlif universitetlərin tələbələri yarışacaq.

7-9 fevral tarixlərində "INNOLAND" İnkubasiya və Akselerasiya Mərkəzinin dəstəyi ilə keçiriləcək Enerji Hakatonunda iştirakçı komandalar spesifik enerji problemi ilə bağlı yaradıcı həllər və prototiplər irəli sürəcək. 48 saat ərzində təklif edilən ideyalar münsiflər heyəti tərəfindən qiymətləndiriləcək.

Qalib olacaq 3 komanda 14-16 fevral tarixlərində Texas A&M Universitetinin təşkil etdiyi "Planet üçün yarat" 2020 (Invent for the Planet 2020) yarışmasının virtual mərhələsində iştirak edəcək.

Virtual yarışmanın qalibi olacaq bir komanda "Planet üçün yarat" 2020 (Invent for the Planet 2020) yarışmasının 30 mart - 2 aprel tarixlərində ABŞ-ın Texas ştatında keçiriləcək final mərhələsində ölkəmizi təmsil etmək hüququ qazanacaq. Müsabiqədə iştirak etmək üçün bütün xərclər qarşılanacaq.

Yarışmanın nəticəsi olaraq innovativ ideyalar daha sonra startap kimi inkişaf etdirilə, böyük uğurların başlanğıcı ola bilər. 

Ətraflı oxu
innoland news image

Şamaxıda keçiriləcək "Hackathon"a seçim turları başladı

“INNOLAND” İnkubasiya və Akselerasiya Mərkəzinin təşkilatçılığı ilə Şamaxıda baş tutacaq “Hackathon”a seçim turları başladı. Seçimlərdən uğurla keçən iştirakçılar təlim və yarışlarda iştirak edəcəklər. Proqram 11-12 fevral tarixlərində Şamaxı "ASAN xidmət" mərkəzində yerləşən "INNOLAND" İnkubasiya və Akselerasiya Mərkəzində keçiriləcək. 

Tədbirin ilk günü iştirakçılar əsas təşəbbüskarlıq anlayışları ilə tanış olacaqlar. Növbəti gün ərzində keçiriləcək “Hackathon” zamanı əldə etdikləri bilikləri tətbiq etməyə çalışacaqlar.

Tədbirin ümumi planı:

1ci gün: Ümumi təlim

●         Startap nədir?

●         Startap ideyasını necə formalaşdırmaq olar?

●         Bazar araşdırması

●         Startapın yaratdığı dəyər

●         Biznes model strukturu: biznes modeli, biznes plan

●         “Lean” metodologiyası

●         Təqdimat

 

2-ci gün: “Hackathon” və spikerlərin çıxışı

●         “INNOLAND”in rezidentləri öz təcrübələrini paylaşacaq.

●         “Hackathon” başlayacaq və komanda formalaşması üçün münsiflər tərəfindən ən yaxşı 5-6 ideya seçiləcək.

●         Seçilən komandalar mentorların dəstəyi ilə öz ideyaları üzərində işləyəcəklər.

●         Günün 2-ci yarısı: Ən yaxşı 3 ideyanın seçilməsi üçün komandalar münsiflərin qarşısında təqdimat edəcəklər.

Sonda qalib komandalar Şamaxı "ASAN xidmət" mərkəzində yerləşən "INNOLAND" İnkubasiya və Akselerasiya Mərkəzində 6 aylıq inkubasiya proqramı keçmək haqqı qazanacaqlar! 

Qeydiyyat forumu:  https://forms.gle/bngsmDfy89AWkTd68

Ətraflı oxu
innoland news image

"Global Game Jam" tədbirinə start verilib

Eyni anda 860 fərqli məkan və 113 ölkədə keçiriləcək "Global Game Jam" tədbirinə Azərbaycanda da start verilib. 48 saat davam edəcək tədbirdə iştrakçılar tərəfindən eyni mövzuya aid fərqli oyunlar hazırlanacaq. 48 saat sonra qaliblər elan olunacaq və iştirakçılar dəyərli hədiyyələr əldə edəcəklər.

"Global Game Jam"in keçirilməsində əsas məqsəd Azərbaycandakı oyun qurucuları cəmiyyətini yaradaraq inkişaf etdirmək və dünyayla birləşdirməkdir.

Tədbirin əsas tərəfdaşları "INNOLAND" İnkubasiya və Akselerasiya Mərkəzi, Nəqliyyat, Rabitə və Yüksək Texnologiyalar Nazirliyi, Azərbaycan Respublikası Mədəniyyət Nazirliyi, SUP.VC, Nextstep Innovasiya Mərkəzi, World Net Summit və Vriendly'dir.

Ətraflı oxu
innoland news image

Stanford Universitetinin mütəxəssisləri "INNOLAND"də təlim keçəcək

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzində "GIC Innovation Akselerasiya (iX) Proqramı" təlimləri keçiriləcək. "INNOLAND"in təşkilatçılığı ilə baş tutacaq təlimlərdə Stanford Universitetinin təcrübəli mentorları çıxış edəcəklər.

"GIC Innovation Akselerasiya (iX) Proqramı" Stanford Universitetinin "İdeyadan biznesə professional inkişaf" kurikulumu əsasında keçirilən 8 həftəlik proqramdır. Bu unikal proqram startaplarda, şirkətlərdə və dövlət orqanlarında məhsul və biznesin inkişafı üçün innovativ düşüncə formalaşdırır, yerli ekosistemin inkişafı üçün qlobal resurslara çıxışı təmin edir.

"INNOLAND" İnkubasiya və Akselerasiya Mərkəzində baş tutacaq 8 həftəlik proqram tələbələr, təşəbbüskarlar, orta və böyük şirkət rəhbərləri üçün təşkil ediləcək. Təlimlərdə Silikon Vadisinin təcrübəsi ilə yanaşı yerli mövzulara uyğun mentorluq və dünya səviyyəli vörkşopların təcrübələrindən də istifadə ediləcək.

İştirakçılar yeni məhsulların yaradılması istiqamətində bütün mərhələlər üzrə konseptual inkişaf, planlaşdırma və həyata keçirmə üzrə dərin biliklər əldə edəcəklər. Təlimi bitirən iştirakçılar sertifikatla təmin ediləcək.

Ətraflı oxu
innoland news image

Azərbaycanda növbəti "Global Game Jam" keçiriləcək

31 yanvar – 2 fevral tarixlərinlərində eyni anda 860 fərqli məkan və 113 ölkədə keçiriləcək Global Game Jam Azərbaycanda da baş tutacaq. Tədbirin əsas məqsədi Azərbaycandakı oyun qurucuları cəmiyyətini yaradaraq inkişaf etdirmək və dünyayla birləşdirməkdir.

48 saat davam edəcək tədbirdə iştrakçılar tərəfindən eyni mövzuya aid fərqli oyunlar hazırlanacaq. Müsabiqə mövzusu bütün dünyada eyni vaxtda elan olunacaq. Bütün iştirakçılar dəyərli hədiyyələr və sərhədsiz təcrübə əldə edəcəklər.

Tədbirin əsas tərəfdaşları "INNOLAND" İnkubasiya və Akselerasiya Mərkəzi, Nəqliyyat, Rabitə və Yüksək Texnologiyalar Nazirliyi, Azərbaycan Respublikası Mədəniyyət Nazirliyi, SUP.VC, Nextstep Innovasiya Mərkəzi, World Net Summit və Vriendly'dir.

İştirak ödənişsizdir!

Qeydiyyat linki: https://bit.ly/2TIDgbp

Ətraflı oxu
innoland news image

"INNOLAND"də növbəti Demo Day təşkil olunub

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzində akselerasiya proqramını uğurla başa vurmuş startapçılarla görüş - “Demo Day” təşkil olunub.

Tədbirdə dövlət qurumlarının və özəl şirkətlərin rəhbər vəzifəli şəxsləri iştirak ediblər.

“Demo Day”də bir neçə fəaliyyət istiqamətini əhatə edən, ümumilikdə 12 startap çıxış edib. 

“INNOLAND”in “Bakcell”lə birgə həyata keçirdiyi 1-ci İnkubasiya proqramından "Fonibo", "Bon.az" və "Towaves" startapları, “AzerGold QSC” ilə birgə həyata keçirdiyi Akselerasiya proqramından "Join 2b2", "Buqelemun", "Təmiz hava" və "Günəş Bioqaz" startapları və “Bank Respublika” ilə birgə həyata keçirdiyi Akselerasiya proqramından "Bank off", "Paylink", "Fintrack", "One Point" və "Dama Dama" startapları investorlar qarşısında öz təqdimatlarını edib.

Startapçılar çıxışlarında “INNOLAND” İnkubasiya və Akselerasiya Mərkəzində keçdikləri inkubasiya və akselerasiya proqramı ərzində layihələrin necə inkişaf etdiyi, hazırda layihələrin hansı mərhələdə olduğu, gələcək hədəfləri və zəruri olan investisiya ehtiyacları haqqında məlumat veriblər.

“Demo Day”in keçirilməsində məqsəd maliyyə ehtiyacı olan startaplar və sərmayə qoymaq istəyən investorları bir araya gətirmək və tərəflər arasında sağlam  mühitdə davamlı əlaqələrin qurulmasına dəstək göstərməkdir

Ətraflı oxu
innoland news image

"INNOLAND" və “Bank Respublika” birgə Akselerasiya proqramının startapları "Demo Day"də çıxış edəcək

“INNOLAND” İnkubasiya və Akselerasiya Mərkəzinin “Bank Respublika” ilə birgə həyata keçirdiyi Akselerasiya proqramına qəbul edilən startaplar 18 yanvar tarixində Demo Day-də çıxış edəcəklər. "Bank off", "Paylink", "Fintrack", "One Point" və "Dama Dama" startapları investorlar qarşısında öz layihələrini təqdim edərək investisiya almaq şansı əldə edəcəklər.

“Demo Day”in keçirilməsində məqsəd maliyyə ehtiyacı olan startaplar və sərmayə qoymaq istəyən investorları bir araya gətirmək və tərəflər arasında sağlam mühitdə davamlı əlaqələrin qurulmasına dəstək göstərməkdir.

Ətraflı oxu
innoland news image

Azərbaycan “Tech Diaspora”sı yaradılır

Azərbaycan Repspublikasının Prezidenti İlham Əliyevin apardığı İqtisadi siyasətin tərkib hissəsi olaraq ölkəmizdə startap ekosisteminin formalaşması və inkişaf prossesi sürətlə davam edir. Dövlət başçısının tapşırıqlarına uyğun olaraq startapların və innovasiyalı müəssisələrin inkişafını stimullaşdırmaq məqsədilə bir sıra uğurlu işlər həyata keçirilir.

Bu prossesə təkan vermək məqsədi ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzi tərəfindən Azərbaycan “Tech Diaspora”sı yaradılır. Əsas hədəflər Azərbaycanda startap ekosisteminin inkişafı, dünyanın müxtəlif ölkələrində yaşayan azərbaycanlı startap ekosistem oyunçularının, innovativ texnoloji sahədə fəaliyyət göstərən azərbaycanlıların ölkəmiz ilə əlaqələrinin daha da möhkəmləndirilməsi, onlar arasında əlaqələrin və birgə fəaliyyətin təmin olunmasıdır.

Bu məqsədlə San-Fransisko şəhərindən Qərib Mehdiyev və Emin Şərifov, Berlin şəhərindən Nail Vəliyev və Bakı şəhərindən Məmməd Kərimov olmaqla 4 nəfərdən ibarət təşkilat komitəsi, həmçinin Azərbaycanda və dünyanın bir sıra ölkələrində yaşayan həmyerlilərimizdən ibarət 20 nəfərlik təşəbbüs qrupu yaradılmışdır (Təşəbbüs qrupunun üzvləri mətnin sonunda göstərilib). Yaradılmış təşəbbüs qrupuna “INNOLAND” və “Next Step” administrativ dəstək göstərir.

“Tech Diaspora”nın nümayəndəlikləri ilkin olaraq startap ekosisteminin inkişaf etdiyi Bakı, Berlin və San-Fransisko şəhərlərində fəaliyyətə başlayacaq.

Bununla əlaqədar “INNOLAND” İnkubasiya və Akselerasiya Mərkəzi tərəfindən Silikon Vadisində “Azərbaycan İnnovasiyalar Evi”nin yaradılması nəzərdə tutulub. Ölkəmizin innovasiyalar və texnoloji inkişafın mərkəzinə yaxın olması məqsədi ilə fəaliyyətə başlayacaq “Azərbaycan İnnovasiyalar Evi” Silikon Vadisində və yaxın ərazidə yaşayan və innovativ texnoloji sahədə fəaliyyət göstərən azərbaycanlıların bir araya gətirilməsi burada “Tech Diaspora”nın fəaliyyətinin formalaşmasına təkan verəcək.

“Tech Diaspora”nın təşkil edilməsi, həmçinin yerli startaplara xarici investisiyaların cəlb edilməsi istiqamətində önəmli addım olacaq. Prosesin həyata keçirilməsi ölkəmizin daha çox innovasiyaya yatırım edən və intellektual məhsul ixrac etmə potensialı olan ölkə kimi mövqeyini möhkəmləndirmək məqsədi daşıyır.

Diasporaların fəaliyyəti, eləcə də innovativ texnoloji sahədə olan trendləri daim yaxından izləməyə və texnologiyaların Azərbaycanda da tətbiqinə təkan verəcək. Yerli startapçıların ölkəmizin hüdudlarından kənarda yaşayan azərbaycanlı startapçılarla əlaqələndirilməsi yerli startapların qlobal bazara çıxış imkanlarını da artıracaq.

“Tech Diaspora”nın yaradılmasının təşəbbüs qrupunun üzvləri:

Qərib Mehdiyev - WeTravel, həmtəsisçi  (SF)

Fuad Məlikov - Hazelcast, həmtəsisçi (SF)

Emin Şərifov - Expedia Qrup (SF)

Tural Bədirxanlı - Namomedia, Twitter (SF)

Teymur Sadıxov -  Silicon Valley Technology Consulting Group (SF) 

Altay Əliyev - Amazon, baş proqram mühəndisi (LX)

Vüsal Dadaşov -  Uber, baş proqram mühəndisi (LX)

Aslan Bəkirov -  Facebook, istehsal mühəndisi (SF)

Şəfi Rəsulov - Google, proqram mühəndisi (SF)

Rüstəm Əliyev - OneDome, həmtəsisçi (UK)

Nail Vəliyev - Sport total (GE)

Anar Hacıyev - NMS, həmtəsisçi (NY)

Araz Cavadov - Walmart eCommerce, məhsul meneceri (SF)

Aytəkin Əliyeva - Femigrants platforması qurucusu (SF)

Elşad Abbasov - Next Step, Tech Academy, həmtəsisçi (AZ)

Anar Əligulov - Next Step, Tech Academy, həmtəsisçi (AZ)

Məmməd Kərimov - “INNOLAND” İnkubasiya və Akselerasiya Mərkəzinin direktoru (AZ)

Tağı Tağızadə - “İnnovasiyalar Mərkəzi”nin direktoru (AZ)

Fərid Musayev - Khazar Ventures (AZ)

Samir Məmmədov - “Sand Hill Angels” qrupunun üzvü, “Global Innovation Catalyst”ın tərəfdaşı, “Tech Academy”nin həmtəsisçisi (AZ)

Ətraflı oxu
innoland news image

“INNOLAND” və “AzerGold QSC” birgə Akselerasiya proqramının "Demo Day"i keçiriləcək

“INNOLAND” İnkubasiya və Akselerasiya Mərkəzinin “AzerGold QSC” ilə birgə həyata keçirdiyi Akselerasiya proqramına qəbul edilən startaplar 18 yanvar tarixində "Demo Day"də çıxış edəcəklər. "Join 2b2", "Buqelemun", "Təmiz hava" və "Günəş Bioqaz" startapları investorlar qarşısında öz layihələrini təqdim edərək investisiya almaq şansı əldə edəcəklər.

“Demo Day”in keçirilməsində məqsəd maliyyə ehtiyacı olan startaplar və sərmayə qoymaq istəyən investorları bir araya gətirmək və tərəflər arasında sağlam mühitdə davamlı əlaqələrin qurulmasına dəstək göstərməkdir.

Ətraflı oxu