22 sentyabr tarixində qlobal innovasiya ekosisteminin ən məşhur simalarından biri, minlərlə startapa mentorluq edən Tal Catranın "INNOLAND"də görüşü baş tutub. 

Görüş zamanı məşhur startap eksperti Tal Catran iştirakçılara startap sahəsindəki uzunillik təcrübələrindən, startap qurucularının etdikləri səhvlərdən, startapı inkişaf etdirməyin, eləcə də onları qlobal bazara çıxarmağın yollarından danışıb. 

Spiker qismində çıxış edən edən Tal Catranın çıxışı iştirakçılar tərəfindən böyük maraqla qarşılanıb. Tədbir zamanı startap mövzusu ətrafında müzakirələr aparılıb və iştirakçıları maraqlandıran suallar cavablandırılıb.

Qeyd edək ki, tədbir ingilis dilində baş tutub.

Azərbaycan Respublikasının Prezidenti yanında Vətəndaşlara Xidmət və  Sosial İnnovasiyalar üzrə Dövlət Agentliyinin “İnnovasiyalar Mərkəzi”nin təşkilatı dəstəyi ilə Azərbaycan Robotexnika Mühəndisliyi Akademiyası tərəfindən "INNOLAND" İnkubasiya və Akselerasiya Mərkəzində reallaşdırılan “NASA Space Apps Challenge” hakatonu yekunlaşıb.

Hakatonun bağlanış tədbirində Dövlət Agentliyinin “İnnovasiyalar Mərkəzi”nin direktoru Vüsal Rüstəmov, Rəqəmsal İnkişaf və Nəqliyyat Nazirliyi yanında Kosmik Agentliyin ("Azərkosmos") Strategiya və biznesin inkişafı departamentinin direktoru Natavan Həsənova, “NASA Space Apps Baku”nun layihə rəhbəri Nigar Rəsulzadə və digər qonaqlar iştirak ediblər.

Hakatonun məqsədi qlobal əhəmiyyətli prioritet istiqamətlərdə qeyd olunan mövzulara dair açıq mənbəli həllər yaratmaq, müvafiq sahələrin elmi tədqiqinə maraq oyatmaq, yeni nəsil alimlərin, texnoloqların, dizaynerlərin və mühəndislərin böyüməsini və müxtəlifliyini təşviq etməkdir. 

Müsabiqədə 690 müraciətçidən müsabiqə üsulu ilə seçilmiş 23 komanda 36 saat ərzində (7-8 oktyabr tarixində) hakatonun əsas mövzuları olan iqlimin idarəolunması, təhsil texnologiyaları, yanğınların idarəolunması, virtual və artırılmış reallıqlar, sosial layihələr istiqamətlərində tapşırıqları həll edib.  

Bağlanış tədbirində komandaların hazırladıqları prototiplər münsiflər heyəti tərəfindən qiymətləndirilib. Orijinallığı, konseptləri,  ixtiraçılığı ilə fərqlənən, yaradıcı problem həlli və qeyri-standart düşünmə nümayiş etdirən həllər 3 yer üzrə seçilib. 

Komandalar arasından "Optimum"  1-ci yerə, "Proxima" 2-ci yerə, "PlatonTech" isə 3-cü yerə layiq görülüb.

Sonda qalib komandalara mükafatlar təqdim olunub. 

Ölkə üzrə qalib gələn komandalar dünyanın 350 şəhərində keçirilmiş hakaton qalibləri ilə birgə yarışacaqlar.

“Data Elmi və Maşın Öyrənməsinə Giriş Bootcamp” üçün qeydiyyat davam edir!

Bu proqramda:

- İlk günlərdə data analitikasının əsaslarını öyrənərək güclü təməl qazanacaqsınız.

- Ardınca CRM analitikası ilə müştəri dəyərini hesablayacaq, biznes qərarlarında datanın gücünü kəşf edəcəksiniz.

- Daha sonra xüsusiyyət mühəndisliyi və maşın öyrənməsi alqoritmləri ilə tanış olub praktiki biliklər əldə edəcəksiniz.

- Sonda isə real datalar üzərində layihələr hazırlayıb, onları peşəkar təqdimatla nümayiş etdirəcəksiniz.

22 sentyabr 2025

7 həftə (5 həftə intensiv təlim + 2 həftə real layihə)

Startapını və karyeranı rəqəmsal dünyada bir addım irəli daşımaq üçün bu fürsəti qaçırma!

Qeydiyyat linki: https://forms.gle/uxS4UvUTbJSHqGzMA