Ölkəmizdə startap ekosisteminin formalaşması və inkişafı prossesi sürətlə davam edir.
Ölkə rəhbərliyinin tapşırıqlarına uyğun olaraq startapların və innovasiyalı müəssisələrin inkişafını stimullaşdırmaq, effektiv koordinasiyanı təmin etmək, ekosistem oyunçularına dəstək tədbirlərini genişləndirmək və yerli startaplara investisiya imkanlarını artırmaq məqsədilə “İNNOLAND” İnkubasiya və Akselerasiya Mərkəzində “İNNOKLUB”un yaradılması ilə bağlı kollektiv sazişin imzalanması mərasimi keçirilib.
Qeyd edək ki, "İNNOKLUB" ekosistemin əsas oyunçuları olan “İnnovasiyalar Mərkəzi”, “NextStep”, “Yeni Fikir”, “Lotfi Zadeh Texnologiya Mərkəzi”, “New Space”, "IBA İnnovasiya Mərkəzi”, “Tech.az”, “Technovate”, “Paşa Holding” şirkətlərinin təşəbbüsü ilə yaradılıb.
Tədbirdə qonaq qismində dəvət olunmuş "500 Startups” şirkətinin regional direktoru Arianne Dilts görüş iştirakçılarının innovativ texnoloji sahibkarlığın inkişafı istiqamətində səylərini yüksək qiymətləndirərək klubun gələcək fəaliyyətinə uğurlar arzu ediblər.
“İNNOKLUB” üzvlərinin fəaliyyətini əlaqələndirmə və katiblik funksiyasını “İnnovasiyalar Mərkəzi” yerinə yetirəcək.
Rezidentlərimiz "Convitsa", “DoVotes” və "Enverson" startapları I Azərbaycan Beynəlxalq İnvestisiya Forumunda iştirak edəcək.
Bu forum Azərbaycanın investisiya mühitini, yeni imkanlarını və gələcək əməkdaşlıqlarını müzakirə etmək üçün dünyanın müxtəlif ölkələrindən iş adamlarını, investorları və innovativ layihələri bir araya gətirir.
Komandalarımıza uğurlar arzulayırıq!
“İnnovasiyalar Mərkəzi”nin “Gələcək üçün bacarıqlar” layihəsi çərçivəsində baş tutan tədbir Türkiyənin “Bilişim Vadisi” ilə birgə reallaşdırılan 6 aylıq inkubasiya proqramının yekununa dair keçirilən Demo Day tədbirində münsiflər heyəti tərəfindən ən yüksək balla qiymətləndirilən 5 komandaya “Bilişim Vadisi”nin xüsusi mükafatı təqdim edilib.
Mükafat alan "Printfable", "Cücələrim", "Medappoint", "Evor" və "Dovotes" komandaları "Bilişim Vadisi"nin Türkiyə ofislərində 6 aylıq inkubasiya proqramı keçmək haqqına sahib oldular.
Komandalarımızı təbrik edirik!
ÜTÜ Qrup (ünsiyyətin təkmilləşdirilməsi üsulları) şirkətinin və "INNOLAND" İnkubasiya və Akselerasiya Mərkəzinin təşkilatçılığı ilə “Sabahın Gücü” inkişaf proqramının təlimçiləri üçün "INNOLAND" İnkubasiya və Akselerasiya Mərkəzinə infosessiya səfəri təşkil olunub.
Səfər zamanı iştirakçılar mərkəzin fəaliyyəti, startap ekosistemi, ideyaların biznesə çevrilməsi mərhələləri və innovasiya mühitinin iş prinsipləri barədə dəyərli məlumatlar əldə etdilər.
İnfosessiya INNOLAND komandası tərəfindən təqdim olundu.