Startapınız üçün LinkedIn-dən daha güclü istifadə etməyə hazırsınızmı?

"INNOLAND" startap komandalarını ödənişsiz vebinara dəvət edir:

“LinkedIn-in Gücünü Kəşf et: şəxsi brend və satışda yeni nəsil yanaşmalar”

Bu sessiyada SaaS GTM Acceleratoru TechSales-in qurucusu Tunahan Tolga Yıldız ilə birlikdə:

startaplara uyğun LinkedIn profil optimizasiyası

şəxsi brend quruculuğu və məzmun vərdişləri

satışda outbound və hesab əsaslı marketinq (ABM) yanaşmaları

sales Navigator-dan effektiv istifadə yolları ilə tanış olacaqsınız.

2 oktyabr 2025

17:00

Online – İştirak ödənişsizdir

Qeydiyyat üçün: https://dovotes.com/form/innoland-survey

Startapınızın böyüməsi üçün LinkedIn-in imkanlarını kəşf etməyi qaçırmayın!

Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi, Asiya İnkişaf Bankının Azərbaycandakı nümayəndəliyi və Koreya Respublikasının E-Asiya və Bilik Tərəfdaşlığı Fondunun dəstəyilə Gəncə-Daşkəsən iqtisadi rayonunda StartupFest Gəncə proqramına start verilir. Proqramın məqsədi təmiz enerji, kənd təsərrüfatı, təhsil, dövlət sektorunda innovasiyalar istiqamətində startapların formalaşmasıdır. Proqram çərçivəsində startap müsabiqəsinin təşkili, startaplar üçün təlimlərin və akselerasiya proqramının keçirilməsi nəzərdə tutulur.

Proqram üzrə müraciətlər 15 Mart 2023-cü il tarixinə qədər davam edəcək.
Qoşulmaq üçün: https://form.jotform.com/230531646484457

“StartupFest 2019” çərçivəsində “Biznes sektorunda Rəqəmsal Transformasiya: İmkanlar və Çağırışlar” mövzusunda panel sessiya təşkil olunub.

Panel sessiya biznes liderlərinin rəqəmsallaşma sahəsində müxtəlif baxışlarını, təcrübələrini, uğur hekayələrini və çətinlikləri əhatə edib.

Bu paneldə “Biznes üçün rəqəmsal transformasiyanin əhəmiyyəti”, “Gələcəyin biznesi Rəqəmsal transformasiya rəqabətdə üstünlüyün elementi kimi”, “Özəl təşkilatlara dövlət dəstəyi – məlumat paylaşımı, sistem inteqrasiyası” kimi mövzular müzakirə olunub.

Sessiyada “İnnovasiyalar Mərkəzi” MMC-nin direktoru Tağı Tağızadə, “AzerTelecom” MMC-nin direktoru Fuad Allahverdiyev, “SİNAM” MMC-nin prezidenti Elçin Əliyev, Azərbaycan Beynəlxalq Bankının İdarə heyətinin sədr müavini Taleh Tahirli, “Bank Respublika”nın İdarə heyətinin sədr müavini Elnur Həsənov, “Yandex.Money”in bölmə rəhbəri Stefan Şevçenko çıxış ediblər.

Sessiyanın moderatoru “AzerTelecom”un strategiya üzrə müşaviri Azər Bayramov olub.

“StartupFest 2019” Azərbaycanda ilk dəfə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzinin təşkilatçılığı ilə reallaşdırılır.

Festivalın əsas məqsədi təcrübə mübadiləsinə imkan yaratmaqla regionda və Azərbaycanda startap ekosisteminin oyunçularını bir araya gətirmək, ekosistemin inkişafı və mövcud problemlərin həlli istiqamətində fikir mübadiləsi aparmaq, Azərbaycanı bu istiqamətdə regional mərkəzə çevirməkdir.

Tədbirin əsas özəlliklərindən biri də startapları əhatə etməsi, özündə startaplarla bağlı problemləri və onların həll yollarını ehtiva edən 6 beynəlxalq lisenziyalı tədbiri birləşdirməsidir.