"INNOLAND" "AzerGold" QSC ilə birgə Akselerasiya Proqramına başlayır
14 Avqust, 2019

"INNOLAND" "AzerGold" QSC ilə birgə Akselerasiya Proqramına başlayır

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzi “AzerGold” QSC ilə birgə Akselerasiya Proqramina başlayacaq. Məqsəd, sahələrarası  innovasiyanı stimullaşdırmaq üçün sənayenin ən inqilabi startaplarını bir araya gətirmək, sənaye ilə bağlı yenilikləri stimullaşdırmaq, prosesləri optimallaşdırmaq və sənayenin Azərbaycanda və regionda yeni bir standart müəyyən etməsidir. 

 

Akselerasiya proqramı üçün uyğun olan startaplar:

 

  • prosesləri optimallaşdıran

  • ixtisas (potensial) inkişaf etdirən

  • bacarıq artıran

  • aparıcı texnologiyalardan, avadanlıqlardan və həll yollarından istifadə edən 

 

Qiymətli metal sənayesində və "AzerGold" QSC-nin ehtiyaclarına uyğunlaşdırıla biləcək həllər təqdim edir.

 

Qiymətli metal sənayesi üçün innovativ həllər ilə yanaşı, startaplar AzerGold QSC-in təşkilati ehtiyacları üçün uyğun həllər təklif edə bilərlər:

 

  • Mədənçilik

  • Sənaye

  • Geologiya

  • Insan Resursları

  • Database / rəqəmsallaşdırma

  • Hüquq

  • Maliyyə

  • Ekoloqiya

  • Sağlamlıq, Əməyin Təhlükəsizliyi və Ətraf Mühit - və s.

 

Seçim meyarları:

 

"AzerGold" QSC-nin fəaliyyətinə aid olmaqdan əlavə seçim məyarları:

1. Komanda ən azı 2 nəfərdən ibarət olmalıdır. 

2. Komanda üzvlərindən ən azı 1 nəfər akselerasiya proqramında daimi iştirak etməlidir. Akselerasiyada daimi iştirak edəcək komanda üzvü ingilis dili bilməlidir. Qalan komanda üvzlərinin ingilis dili bilməsi üstünlük hesab ediləcək.

3. Məhsulun prototipi və ya inkişaf mərhələsində olan məhsul təqdim olunmalıdır.

4. Məhsul müəyyən bazar seqmentinə aid olmalıdır.

5. Layihənin təqdimatı mövcud olmalıdır.

6. Qiymətli  metal sənayesi ixtisasında kvalifikasiyanız və ya sahədə təcrübəniz üstünlük hesab ediləcək.

7. İxrac bazarını araşdırmalı və yeni bazarlara daxil olmaq üçün hazırlıqlı olmalısınız.

Qaliblər "INNOLAND" İnkubasiya və Akselerasiya Mərkəzində 6 aylıq akselerasiya proqramı keçmək haqqı qazanacaqlar. Bununla yanaşı qalib komandaların təsisçiləri 2020-ci ildə Türkiyədə keçiriləcək “Startup Turkey” tədbirinə qatılmaq şansı əldə edəcəklər.

Qeydiyyat üçün : https://forms.gle/8YqYx6mh6d1J7sXd8

Ətraflı oxu

Digər xəbərlər

innoland news image

“Nextsale” və “Whelp” startaplarına investisiyalar verilib

“INNOLAND” İnkubasiya və Akselerasiya Mərkəzində “SUP” Startap Akseleratorunun qış akselerasiya proqramının iştirakçıları olan “Nextsale” və “Whelp” startaplarına toxum investisiyaları verilib.

Həmin startaplara qoyulan investisiya “Azfinans” İnvestisiya Şirkəti, “Next Step” İnnovasiya Mərkəzi və “Xəzər Vençurs” şirkətinin birgə tərəfdaşlığı ilə həyata keçirilib.

Ətraflı oxu
innoland news image

İnvestorların iştirakı ilə mövsümün ilk “Demo Day”i təşkil olunub

20 iyun 2023-cü il tarixində “INNOLAND” İnkubasiya və Akselerasiya Mərkəzinin və Next Step İnnovasiya Mərkəzinin birgə təşkil etdiyi inkubasiya proqramlarının məzun startapları üçün mövsümün ilk “Demo Day”i təşkil olunub.

Tədbirdə startap və innovasiya ekosisteminin oyunçuları, təsisçiləri, investorlar və sahənin həvəskarları iştirak ediblər.

İnkubasiya və pre-inkubasiya proqramını bitirən yerli “Speakday”, “Wegros”, “Best.az”, “Alimok”, “Safavy”, “Aybss”, “Utilix”, “Autosource” startapları və Pakistandan olan “Akountmate” startapı investorlar qarşısında çıxış edərək təhsil, kommunal və elektron ticarət sektorunda olan problemlərə həll yolları təklif edən xidmət və məhsullar təqdim ediblər.

5 aylıq inkubasiya proqramı çərçivəsində “Google”, “Dünya Bankı”, “Female Founders”, “European Startup Network”, “GoDaddy” kimi şirkətlərin, “iomete”, “Uvodo”, “WeTravel” kimi startapların və “PAŞA Bank”, “Embawood”, “Risk Company, “Caucasus Ventures” kimi bank və şirkətlərin nümayəndələrindən ibarət yerli və xarici mütəxəssislər tərəfindən təlimlər keçirilib.

Təlimlər UI/UX, biznes, startap, innovasiya və texnologiya mövzularını əhatə edib.

Tədbir ölkədə ekosistem oyunçuları arasında fərqli sahələrdə tətbiq olunan texnologiyalar və innovasiyalar istiqamətində təcrübə mübadiləsi üçün imkan yaradıb.

Proqramın sonunda növbəti inkubasiya proqramı haqqında qısa məlumat verilib.

Ətraflı oxu
innoland news image

“EESTech Challenge Baku’25“ müsabiqəsinin qalib komandaları ölkəmizi beynəlxalq finalda təmsil edəcək!

“EESTech Challenge Baku’25“ müsabiqəsinin qalib komandaları ölkəmizi beynəlxalq finalda təmsil edəcək!

“EESTEC JLC Baku” təşkilatının təşkilatçılığı, “INNOLAND” İnkubasiya və Akselerasiya Mərkəzi, “STEAM Azərbaycan” layihəsi və “Bir Könüllü” Tələbələrin Əməkdaşlığı İctimai Birliyinin dəstəyi ilə "EESTech Challenge Baku’25" müsabiqəsi həyata keçirilib.

Müsabiqənin əsas məqsədi mühəndislik sahəsində təhsil alan və bu istiqamətdə bilik və bacarığını inkişaf etdirmək istəyən tələbələr üçün real problemlərin həlli üzrə innovativ düşüncə və texniki yanaşmaların təşviq olunmasıdır.

Müsabiqəyə 100-dən çox müraciət daxil olmuş, onlardan seçilmiş 10 komanda – ümumilikdə 30 iştirakçı müxtəlif texnoloji problemlərin yaradıcı yollarla həlli istiqamətində bilik və bacarıqlarını nümayiş etdirib. Nəticədə "AirVive" komandası birinci, "Montyorlar" komandası isə ikinci yerə layiq görülmüşdür.

Qalib komandalar 13–16 may 2025-ci il tarixlərində İtaliyanın Trieste şəhərində keçiriləcək "EESTech Challenge" beynəlxalq final mərhələsində Azərbaycanı təmsil edəcəklər.

Qeyd edək ki, "EESTech Challenge" Avropanın müxtəlif şəhərlərində keçirilən beynəlxalq müsabiqə formatıdır və gənc texnologiya həvəskarları arasında mühəndislik və innovasiyaların inkişafını təşviq edir.

Ətraflı oxu