“INNOLAND” İnkubasiya və Akselerasiya Mərkəzinin “Bakcell”lə birgə elan etdiyi 1-ci İnkubasiya proqramına seçimlər başa çatıb.
Münsiflər heyətinin qarşısında öz layihələrini təqdim edən 5 startapdan 3-ü yüksək bal toplayaraq proqramda iştirak etmək haqqı qazanıb.
Seçimlərdən uğurla keçən “Bon.az”, “Towaves” və “Face Ads” komandaları “INNOLAND“də öz layihələrini reallaşdırmaq şansı əldə ediblər.
“Face Ads” sosial media problemlərini həlletmə yönümlü platformadır.
“ToWaves” ortaq maraq və oxşar fikirləri olan insanları bir araya gətirən platformadır.
“Bon.az” istifadəçilərin onlayn alış-verişdən “cashback“ əldə etməsi üçün yaradılan sistemdir.
Azərbaycan Respublikası Maliyyə Bazarlarına Nəzarət Palatasının dəstəyi ilə ölkədə ilk dəfə keçiriləcək fintex-startuplar üçün “Open Banking Lab” layihəsinə qeydiyyat başa çatıb.
“Bank Respublika” ASC və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzinin birgə həyata keçirəcəyi İnkubasiya proqramına 11 layihə qeydiyyatdan keçib.
Qeydiyyatdan keçmiş layihələrin seçim mərhələsi “INNOLAND”də baş tutacaq.
"INNOLAND"in startapı olan "Enverson AI" yeni uğura imza atdı!
Startapımız beynəlxalq "Go-Together" Akselerasiya Proqramına qoşuldu. Bu proqram çərçivəsində "Enverson AI" komandasını yeni təcrübələr, əməkdaşlıq imkanları və qlobal təsir gözləyir.
Qeyd edək ki, "Enverson AI" süni intellektlə dəstəklənmiş fərdiləşdirilmiş dil öyrənmə təcrübəsi təqdim edir. Məqsədi dili öyrənməyi həm əyləncəli, həm də əlçatan etməkdir.
Onları ürəkdən təbrik edir və daha böyük nailiyyətlər arzulayırıq!