"İnnovasiyalar Mərkəzi" və "INNOLAND" İnkubasiya və Akselerasiya Mərkəzinin tərəfdaşlığı ilə “Qarabağ və Şərqi Zəngəzurda Sərmayə İmkanları” layihəsi çərçivəsində keçirilən “Karabakh GreenTech” hakatonu başa çatıb.

Layihənin əsas məqsədi gəncləri “Azərbaycan 2030: sosial-iqtisadi inkişafa dair Milli Prioritetlər”inə əsasən həyata keçirilən tədbirlərə dəstək olmaq, işğaldan azad edilmiş bölgələrdə biznes subyektlərini inkişaf perspektivləri, investisiya imkanları, vergi güzəştləri, yaşıl sahibkarlıq, texnologiya transferi və digər mövzular ətrafında maarifləndirməkdir.

"Karabakh GreenTech" hakatonunun ilk mərhələsində 14 komanda öz ideyalarını təqdim edib. Bu ideyalar arasında yaşıl texnologiyalar, aqrar texnologiyalar, alternativ enerji mənbələrinin səmərəliliyinin artırılması və minaların təmizlənməsi üçün texnoloji həllər kimi sahələr yer alıb.

İlk mərhələdən uğurla keçən 8 komanda 24 saat ərzində ASAN İnnovativ İnkişaf Mərkəzində kiçik canlı məhsullarını (MVP) hazırlayıblar və yekun mərhələdə 6 komanda iştirak edib. Onlar arasından 3 komanda qalib seçilib. Seçilən komandalara hədiyyə və diplomlar təqdim edilib və "COP29" da iştirak etmə fürsəti qazanıblar. Qaliblərə "COP29" konfransınadək biznes inkişafı üçün mentorluq və kovörkinq istiqamətində dəstək göstəriləcək.

COVID-19 pandemiyası bütün sahələrə ziyan vurub. Bunun da həlli innovasiyadadır. Bu innovativ həllər haqqında beynəlxalq jurnallar da yazır. Azərbaycan startap ekosistemi də öz növbəsində dünyaya innovativ təkliflər verir. 

Bu ilin əvvəlində ölkəmizdə keçirilmiş “Hack Cov-19” tədbirinin səs-sorağı dünyanın ən məşhur biznes-innovasiya medialarından da gəlir. Belə medialardan biri “Forbes” jurnalıdır. “Forbes’un yeni məqaləsində pandemiya zamanı dünyada tətbiq olunmuş innovativ həllər haqqında danışılır və məqaləninin daxilində yerli akselerasiya mərkəzi “SUP.VC” şirkətinin təşkil etdiyi “Hack Cov-19” qeyd olunub. Tədbir “Forbes” jurnalında aşağıdakı kimi qeyd olunub: 

“Hətta Avrasiyadan Azərbaycan pandemiya zamanı bir-birlərinə daha yaxşı dəstək olmaq üçün ictimaiyyətə kömək etmək məqsədi ilə Qlobal Virtual Hakatona ev sahibliyi etdi və Polşa komandası qalib oldu”

"Tədbir elə böyük bir təzyiq altında baş verdi ki, bir ay belə hazırlaşmadan qlobal ictimaiyyətin mübarizəsinə kömək etmək üçün əla qərarlar qəbul edə bildik" tədbirin təşkilatçısı və SUP.az-ın icraçı direktoru Vüsal Kərimli bildirdi.

Qeyd edək ki, təşkil olunmuş “Hack Cov-19” adlı hakatonda 45 ölkədən 600-dan çox müraciətçi iştirak etmişdi. 

2015-ci ildə qurulan “SUP.VC” şirkəti startaplara xarici və yerli mentorlar vasitəsi ilə  məhsulu inkişaf etdirilməsində, müştəri bazası toplamaqda, investorların cəlbində kömək edən startap akseleratorudur. Qlobalda 38 mentoru olan və 22 startap şirkətində paya sahib olan şirkət 12 beynəlxalq hackatona ev sahibliyi edib. 2020-ci ildən etibarən şirkət həm Budapeşt, həm də Tallində Avropa ofisini açıb və xidmətlərini daha da genişləndirir.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzinin təşkilatçılığı ilə 29 iyul tarixində “Startup Grind - Ganja” tədbiri baş tutacaq.

Görüşdə spiker qismində “Halal Booking” şirkətinin həmtəsisçisi Ənvər Cəbi çıxış edəcək. "Halal booking" şirkəti 2009-cu ildə Elnur Seyidli və Ənvər Cəbi tərəfindən yaradılıb. Sayt 75 ölkədən 250 mindən çox müştəriyə sahibdir. 2015-ci ildə "Dünyanın ən yaxşı halal səyahət saytı" və Dubayda baş tutan tədbirdə "İslam İqtisadiyyat" mükafatına layiq görülüb. “Traveltech - Pandemiyadan əvvəl və sonra” mövzusuna həsr olunmuş bu görüşdə şirkətin həmtəsisçisi Ənvər Cəbi öz dəyərli təəcrübələrini və biliklərini bizimlə bölüşəcək.

Moderator "INNOLAND" İnkubasiya və Akselerasiya Mərkəzinin startaplarla iş üzrə mütəxəssisi Tengiz Ağakişiyev olacaq.

"Startup Grind" startaplar, təsisçilər, ixtiraçılar üçün yaradılmış dünyanın ən böyük icmalarından biridir. Tədbirin məqsədi həmfikir insanları bir araya gətirmək, öyrənmək, öyrətmək, kömək etməkdir. 2019-cu ildən başladılan tədbir mütəxəssislərin öz təcrübələrini paylaşdığı ənənəvi hərəkat halını alıb.

Tədbir “Facebook – live“ vasitəsilə baş tutacaq.