Bakı şəhərində yerləşən İslam Əməkdaşlıq Təşkilatı (İƏT) Gənclər Forumunun Avrasiya üzrə Regional Mərkəzi, Tatarıstanın Gənclər Nazirliyi və “Selet” Tatarıstan Gənclər Hərəkatının birgə təşkilatçılığı və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzinin tərəfdaşlığı ilə 6-cı Kazan İƏT Gənc Sahibkarlar Forumu onlayn formatda başlayıb.

Qəbul üçün müraciət etmiş yüzlərlə layihə arasından seçilən 44 ölkədən 200-ə yaxın gənc startap müəlliflərinin iştirakı ilə baş tutan açılış mərasimində Tatarıstanın Gənclər Naziri Dəmir Fəttahov, İƏGF Avrasiya Regional Mərkəzinin Baş direktoru Elməddin Mehdiyev və Rusiya Federasiyasının Gənclik Məsələləri üzrə Federal Agentliyin Xarici Əlaqələr Şöbəsinin rəhbəri Tatyana Seliverstova çıxış ediblər. Elməddin Mehdiyev öz çıxışında artıq 6-cısı keçirilən Foruma 5 il ərzində 10 mindən çox biznes layihəsinin iştirak üçün müraciət etdiyini, 800-dən artıq layihə müəllifinə müvafiq təlimlərin verildiyini və Forumun məzunları arasında beynəlxalq investorlar tərəfindən hər biri 1 milyon ABŞ dollarından artıq investisiya almış uğurlu startapların olduğunu və onlar arasında azərbaycanlı startap müəlliflərinin də yer aldığını bildirib.

İƏT üzv ölkələrinin və qeyri-üzv dövlətlərdəki müsəlman icmaların gənc startapçılarına layihələrinin inkişaf etdirilməsi və beynəlxalq investorlara təqdim edilməsi üçün dəstək göstərilməsini nəzərdə tutan Forum 2015-ci ildən etibarən Tatarstan Respublikası hökumətinin tərəfdaşlığı ilə Kazan şəhərində təşkil edilir. Dünyada davam edən yeni növ koronavirus pandemiyası ilə mübarizə şəraitində təşkilatçıların birgə qərarı ilə forumun builki mərhələsi onlayn formatda keçirilir. Əsasən İƏT üzv ölkələrindən olmaqla, ABŞ, Rusiya, Almaniya, İsveç, Birləşmiş Krallıq və Cənubi Koreya kimi qeyri-üzv dövlətlərdən də seçilmiş gənclər 8 həftə davam edəcək onlayn təlimlərdə iştirak edəcək və sentyabr ayında keçirilməsi nəzərdə tutulan layihənin yekun mərhələsində öz layihələrini beynəlxalq investorlara təqdim etmək üçün yarışacaqlar.

Təlimlər startap sahəsində təcrübəli beynəlxalq mütəxəsislər tərəfindən keçiriləcəkdir. Müraciət edən layihələri forumda iştirak üçün seçən jüri nümayəndəsi “INNOLAND” İnkubasiya və Akselerasiya Mərkəzinin Startaplarla İş üzrə Şöbə müdiri Tengiz Ağakişiyev Forumda iştirak edən startaplar arasında olduqca maraqlı və gələcək vəd edən layihələrin olduğunu bildirib.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzinin təşkilatçılığı ilə 12 iyun tarixində “Startup Grind - Ganja” tədbiri baş tutacaq.

Görüşdə “Mogan Hotel Baku"nun satış və marketing direktoru Həvva Səfərova, "Femigrants"ın qurucusu Aytəkin Əliyeva, "Destin AI"ın həmtəsisçisi Nərgiz Məmmədova  startapının təsisçisi çıxış edəcək. Onlar “Pandemiya dövründə qadın təşəbbüskarların fəaliyyəti” mövzusunda öz təcrübələrini, məsləhətlərini paylaşacaq.

Moderator "INNOLAND"in direktoru Məmməd Kərim olacaq.

"Startup Grind" startaplar, təsisçilər, ixtiraçılar üçün yaradılmış dünyanın ən böyük icmalarından biridir. Tədbirin məqsədi həmfikir insanları bir araya gətirmək, öyrənmək, öyrətmək, kömək etməkdir. 2019-cu ildən başladılan tədbir mütəxəssislərin öz təcrübələrini paylaşdığı ənənəvi hərəkat halını alıb. 

Tədbir “Facebook – live“ vasitəsilə baş tutacaq. 

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzi İnkubasiya proqramı elan edir.

İnkubasiya proqramı erkən inkişaf mərhələsində olan startapları dəstəkləyir. Əsas məqsəd ideya mərhələsində olan startapları prototip (MVP) hazırlamaq səviyyəsinə çatdırmaqdır. Proqram 3 ay davam edir. "INNOLAND" İnkubasiya proqramına mentorluq dəstəyi, əlaqələrin qurulması və ofis təminatı daxildir.

İnkubasiya proqramına qatılmaq üçün son qeydiyyat tarixi: 15 iyun 2020

Qeydiyyat formu: https://forms.gle/sFDUJZoFNmESw5Wv7

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzinin təşkilatçılığı ilə 26 iyun tarixində “Startup Grind - Ganja” tədbiri baş tutacaq.

Görüşdə spiker qismində “Agtech Ukrayna”nın rəhbəri Yuriy Petruk çıxış edəcək. O, “Agtech - Pandemiyadan əvvəl və sonra” mövzusunda danışacaq.

"Startup Grind" startaplar, təsisçilər, ixtiraçılar üçün yaradılmış dünyanın ən böyük icmalarından biridir. Tədbirin məqsədi həmfikir insanları bir araya gətirmək, öyrənmək, öyrətmək, kömək etməkdir. 2019-cu ildən başladılan tədbir mütəxəssislərin öz təcrübələrini paylaşdığı ənənəvi hərəkat halını alıb. 

Tədbir “Facebook – live“ vasitəsilə baş tutacaq.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzinin, Nəqliyyat, Rabitə və Yüksək Texnologiyalar Nazirliyinin, Birləşmiş Millətlər Təşkilatının İnkişaf Proqramının, “SUP VC”-nin dəstəyi, "BP" şirkətinin baş sponsorluğu, Net Summit şirkətinin təşkilatçılığı ilə 11-15 may tarixlərində “World Net Summit” onlayn konfransı baş tutacaq.

Ümumilikdə 8 tədbirdən - “Startup Academy”, “Monex Summit”, “Government Address”, “Baku E-Trade Forum”, “Maintech Forum”, “Venture Summit”, “Corporate Innovation Forum”, “Influencer Summit” ibarət olan onlayn konfransda 15 ölkədən 50-dən çox spikerin çıxışı nəzərdə tutulur.

11 may 16:30-18:00 saatlarında “Startup Academy” tədbiri “SUP VC”nin direktoru Vüsal Kərimlinin moderatorluğu, Gürcüstan İnnovasiyalar və Texnologiya Agentliyinin sədri Avtandil Kasradze, “Startup Estonia”nın baş icraçı direktoru Marika Tru, “Astana Hub”ın baş icraçı direktoru Jospef Ziqler, “Startup Lithuania”nın baş icraçı direktoru Roberta Rudokin, Azərbaycan İnnovasiyalar Agentliyinin sədri Tural Kərimli və BMT-nin İnkişaf proqramının Avropa və Mərkəzi Asiya üzrə Regional İnnovasiya Mərkəzinin rəhbəri Leyla Sadikunun spiker kimi iştirakları ilə baş tutacaq.

19:30-21:00 saatlarında Monex Summit tədbiri MENA Fintech Assosiasiyasının sədri Namir Xanın moderatorluğu, Mastercard şirkətinin Vitse-prezidenti Fabrizio Burlando, Burnmark CEO-su Devi Mohan, Santander Bankın maliyyə sənayesinin transformasiyası üzrə rəhbəri Juan Jimenez Zaballos, Token şirkətinin idarəedici direktoru Maykl Oluqlin və Mastercard şirkətinin açıq bankçılıq üzrə qlobal rəhbəri Hakan Eroğlunun spikerliyi ilə baş tutacaq.

Qeyd edək ki, https://worldnetsummit.com/home saytından qeydiyyatdan keçməklə digər tədbirlər barədə ətraflı məlumat əldə edə bilər və konfrans canlı yayımlandığı zaman email vasitəsi ilə məlumatlandırma əldə edə bilərsiniz.

Konfrans "World Net Summit"in "Facebook" səhifəsində və "Youtube" üzərindən canlı yayımlanacaq.

1-3 may tarixlərində Azərbaycan Texniki Universiteti, Türkiyənin OSTİM Texniki Universitetinin təşkilatçılığı, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzi və Nəqliyyat, Rabitə və Yüksək Texnologiyalar Nazirliyinin tərəfdaşlığı ilə Azərbaycan və Türkiyə universitetləri arasında "Virtual Hackathon - 2020" müsabiqəsi keçirilib.

Münsiflər heyətinin qarşısında öz layihələrini təqdim edən komandalardan "Corowarner", "AztuComan", "RFID" və "Academy Azerbaijan" komandaları ən yüksək bal toplayaraq qalib olublar.

Qalib komandalar "INNOLAND" İnkubasiya və Akselerasiya Mərkəzi tərəfindən 3 aylıq İnkubasiya xidməti əldə ediblər. 
Həmçinin pul mükafatı və müxtəlif hədiyyələrlə mükafatlanıblar. 

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzinin təşkilatçılığı ilə 11 may tarixində “Startup Grind - Ganja” tədbiri baş tutacaq.

Bu dəfəki görüşdə spiker qismində “Whelp” startapının təsisçisi və idarə heyətinin sədri Seymur Rəsulov çıxış edəcək. O, “Azərbaycan startaplarının xarici bazara çıxışı” mövzusunda öz təcrübələrini, məsləhətlərini paylaşacaq.

"Startup Grind" startaplar, təsisçilər, ixtiraçılar üçün yaradılmış dünyanın ən böyük icmalarından biridir. Tədbirin məqsədi həmfikir insanları bir araya gətirmək, öyrənmək, öyrətmək, kömək etməkdir. 2019-cu ildən başladılan tədbir mütəxəssislərin öz təcrübələrini paylaşdığı ənənəvi hərəkat halını alıb. 

Tədbir “Facebook – live“ vasitəsilə baş tutacaq. 
 

1-3 may tarixlərində Azərbaycan Texniki Universiteti, Türkiyənin OSTİM Texniki Universitetinin təşkilatçılığı, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzi və Nəqliyyat, Rabitə və Yüksək Texnologiyalar Nazirliyinin tərəfdaşlığı ilə Azərbaycan və Türkiyə universitetləri arasında "Virtual Hackathon - 2020" müsabiqəsi baş tutacaq.

Müsabiqədə əsasən səhiyyə, təhsil, əyləncə və sosial mövzu sahəsində olan ideyalar yarışacaq. Hakaton zamanı Slack və Youtube platformalarından istifadə ediləcək.

Qalib komandalar https://bit.ly/2YnScOz facebook səhifəsində canlı yayımda elan olunacaq.
İlk 3 yeri tutmuş komandaya "INNOLAND" İnkubasiya və Akselerasiya Mərkəzi tərəfindən 3 aylıq İnkubasiya xidməti veriləcək. 
Həmçinin pul mükafatı və müxtəlif hədiyyələr təqdim olunacaq. 

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzinin də tərəfdaş olduğu "Global Hack" hakatonu başa çatıb.

Covid -19 pandemiyası qarşısında təcili olaraq lazım olan həllər üçün fikir mübadiləsi və onları sürətli şəkildə inkişaf etdirmək, habelə post-pandemiya dövründə davamlılıq yaratmaq üçün hazırlanmış onlayn hakatonda 100-dən çox ölkədən 12000-dən çox iştirakçı 500-dən çox həyati əhamiyyətli layihə təqdim edib. Azərbaycandan iştirak etmiş 3 mentor tədbir ərzində iştirakçıların suallarını cavablandırıb.

13 mart tarixində Estoniyada başlayan və bütün dünyanın diqqətini cəlb edən hakatonun keçirilməsində əsas məqsəd dünya səviyyəli mentorları və istedadlı komandaları bir araya gətirərək daha yaxşı bir gələcək üçün həll yolları yaratmaq olub.  

Qaliblər ümumulikdə 195.000 avro məbləğində mükafatlandırılıblar.

Mükafatlandırılmış layihələr:

Ətraf mühit üzrə
SunCrafter
Material Mapper 
BD Waste Recovery Platform

İncəsənət və Yaradıcılıq, Media və Əyləncə üzrə:
İsonation 
Fingertrips 
Mingle Video 
Böhranın idarə olunması üzrə:
Autonomous UV Disinfectant Robot 
PAVAN 
Killing Super Bugs

İqtisadiyyat üzrə:

Vendito
Crisis Budget 
EasySnap 

Təhsil üzrə:

InsideScoop 
Outside 
European Device Donation Network 

Həmrəylik və fəaliyyətin gücləndirilməsi üzrə:

BookingLive 
StaySafe
VIRUS+ 
Hökumət həlləri üzrə:
Pandemia 
Cautio
LookOut  

Sağlamlıq və səhiyyə üzrə:
Filtertex 
AI powered Digital Hospital & Coronavirus Laboratory 
COVID-19 early detection with HRV app 

İş mühiti:

Serw 
Friends for Work 
#ClansOfCause

Ruhi Sağlamlıq:

TRANS-LATE
Asha 
Act On Crisis