“Gələcək üçün bacarıqlar” layihəsinin V “TUSİ” İnkubasiya proqramına qeydiyyat davam edir.
16 Mart, 2026

“Gələcək üçün bacarıqlar” layihəsinin V “TUSİ” İnkubasiya proqramına qeydiyyat davam edir.

“Gələcək üçün bacarıqlar” layihəsinin V “TUSİ” İnkubasiya proqramına qeydiyyat davam edir.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “İnnovasiyalar Mərkəzi” tərəfindən həyata keçirilən “Gələcək üçün bacarıqlar” layihəsinin V “TUSİ” inkubasiya proqramına qeydiyyat davam edir. Proqramın əsas məqsədi innovasiya sahəsində kadr potensialının gücləndirilməsi, təhsildə innovativ fəaliyyətin təşviqi və tələbələrin startap ekosisteminə inteqrasiyasının təmin edilməsidir. Layihə çərçivəsində gənclərin innovativ ideyalarının inkişafına əlverişli şərait yaradılır, onların ixtiraçılıq və startap fəaliyyətinə istiqamətləndirilməsi prioritet istiqamətlər kimi müəyyən olunub. Proqram iştirakçılara ideyaların sistemli şəkildə formalaşdırılması, biznes modelinin qurulması, bazar araşdırması aparılması, məhsulun inkişafı və effektiv təqdimat bacarıqlarının əldə edilməsi üçün geniş imkanlar təqdim edir. V “TUSİ” inkubasiya proqramı 10 əsas mövzu və 34 alt modulu əhatə edən intensiv təlim proqramı əsasında həyata keçirilir. Təlimlər praktiki yanaşma üzərində qurulub və iştirakçıların real startap ideyaları üzərində işləməsinə, innovasiya ekosisteminə daha effektiv inteqrasiya olunmasına şərait yaradır. Proqramda iştirak etmək istəyən şəxslər https://gub.icenter.az/home linkinə daxil olaraq müraciət formasını doldura bilərlər. Qeydiyyat üçün son tarix 12 aprel 2026-cı ildir. İnnovativ ideyaya sahib olan və onu real layihəyə çevirmək istəyən bütün tələbələr proqramda iştirak etməyə dəvət olunur. 2021-ci ildən bu günədək layihə çərçivəsində 18 ali təhsil müəssisəsi ilə əməkdaşlıq qurulub. Universitetlərdə hazırlanmış 130-dan çox mentora təlimlər kecirilib. 3 mindən çox tələbə tərəfindən 300-dən artıq startap ideyası təqdim olunub. Bunlardan 45 startap komandası seçilərək “Demo Day” tədbirlərində layihələrini investor və ekspertlərə təqdim ediblər. “Gələcək üçün bacarıqlar” layihəsi çərçivəsində formalaşmış startaplardan 4-ü ümumilikdə 310 000 AZN həcmində investisiya cəlb edib.

Ətraflı oxu

Digər xəbərlər

innoland news image

Qarabağ regionundan olan gənclər "INNOLAND" İnkubasiya və Akselerasiya Mərkəzinin qonağı olublar

Qarabağ regionundan olan gənclər "INNOLAND" İnkubasiya və Akselerasiya Mərkəzinin qonağı olublar.

Gənclərin İnkişaf və Karyera Mərkəzinin "Gənclərin Karyera İnkişaf Platforması"nın "Karyera quruculuğu" proqramı çərçivəsində təşkil edilən infoturda gənclərə mərkəzin fəaliyyəti haqqında ətraflı məlumat verilib.

Ətraflı oxu
innoland news image

"INNOLAND" İnkubasiya və Akselerasiya Mərkəzinin və "Nextstep" İnnovasiya Mərkəzinin birgə təşkilatçılığı ilə "Pre-inkubasiya" proqramı başlayır

"INNOLAND" İnkubasiya və Akselerasiya Mərkəzi və "Nextstep" İnnovasiya Mərkəzi ölkədə innovasiya fəaliyyətinin davamlılığının təmin olunması, innovativ ideyaların inkişafı, stratap biliklərinin arıtırlması məqsədilə "Pre-inkubasiya" proqramına başlayır.

14 iyun - 2 sentyabr tarixləri ərzində baş tutacaq proqramın ilk mərhələsində startap təsisçilərinə müxtəlif sahələrdən olan mütəxəssislər mentorluq və kouçinq dəstəyi göstərəcək. Sonrakı mərhələdə proqram startapçılara ilkin biliklər verməklə yanaşı, işlək məhsulu (MVP) yaratmaq və satış prosesini qurmaqda kömək edəcək. Burada əsas məqsad ideyanı formalaşdırmaq və onu inkişaf etdirməkdir. Həmçinin proqrama qəbul olunan komandalar proqramın sonuna qədər öz ideyalarına əsaslanan biznes prototipinin hazırlanmasına nail olmalıdırlar.

"Pre-inkubasiya" proqramında komandalar aşağıdakı mövzular üzrə bilik əldə edəcəklər:
1. Biznes modelin hazırlanması və inkişafı;
2. Bazar araşdırması və müştəri problemlərinin yoxlanılması;
3. İlkin işlək məhsulun hazırlanması;
4. İnvestisiya və “Pitch day”.

İndiyə qədər "Pre-inkubasiya" proqramına müraciət etmiş 12 startapdan 5-i proqrama seçilib. Bunlar “Abyss”, “Legal”, “Auto Source”, “Utilix” və “Safavy” startaplarıdır.

Ətraflı oxu
innoland news image

“Gələcək üçün bacarıqlar” layihəmizin V “TUSİ” İnkubasiya proqramı çərçivəsində “Sahibkarlıq və sənaye tərəfdaşlığı” mövzusunda təlim keçirilib

“Gələcək üçün bacarıqlar” layihəmizin V “TUSİ” İnkubasiya proqramı çərçivəsində “Sahibkarlıq və sənaye tərəfdaşlığı” mövzusunda təlim keçirilib.
 
“Özbahçeci İnvest Club”un İdarə Heyətinin sədri Turan Özbahçeci və klubun CEO-su Doğan Tomris tərəfindən keçirilən təlimdə iştirakçılar:
sənaye müəssisələri ilə düzgün əlaqələrin qurulması
effektiv tərəfdaşlıq modellərinin yaradılması
sahibkarlıq ekosistemində güclü sinerjinin formalaşdırılması istiqamətində praktiki yanaşmaları öyrəniblər.
 
Bu görüş iştirakçılar üçün maraqlı müzakirələrə, faydalı fikir mübadiləsinə və yeni perspektivlərin formalaşmasına şərait yaratdı.
Ətraflı oxu