“Milyon dollarlıq satış: Amazon vs E-ticarət saytı” mövzusunda müzakirələr aparılıb
“StartupFest 2019” çərçivəsində keçirilən “World E-Commerce Eurasia 2019 Baku Forum” tədbirində “Milyon dollarlıq satış: Amazon vs E-ticarət saytı” adlı panel sessiya təşkil olunub.
Bu paneldə e-ticarət, e-ticarət saytları arasındakı rəqabət və onların qlobal bazarda uğur qazanması mövzusunda zəruri olan elementlər əhatə olunub.
Sessiyada “Moughe Gourmet”in İcraçı direktoru Müge Ergüleç, “World E-Commerce Forum”un Təlim-Tədris mərkəzinin rəhbəri Orxan İsayev, “Sefa Merve”nin İcraçı direktoru Mehmet Metin Okur çıxış ediblər.
Sessiyanın moderatoru “INNOLAND” İnkubasiya və Akselerasiya Mərkəzinin müdiri Məmməd Kərimov olub.
Ölkəmizdə səfərdə olan Özbəkistan Respublikası İnnovasiyaların İnkişafı Nazirliyinin və tabeliyində fəaliyyət göstərən qurumların rəhbər şəxslərindən ibarət nümayəndə heyəti "İnnovasiyalar Mərkəzi"nin fəaliyyəti ilə tanış olub.
Qonaqlar, həmçinin, "İNNOLAND" İnkubasiya və Akselerasiya Mərkəzi, ASAN İnnovativ İnkişaf Mərkəzi və “Bilim Bakı” Mərkəzində fəaliyyət göstərən təlim otaqları və laboratoriyalarla da yerində tanış olublar.
2 gün davam edən görüşdə qonaqlara startap ekosistemlərinə dəstək və sosial innovasiyalar istiqamətində həyata keçirilən fəaliyyət barədə məlumat verilib, həmçinin bu istiqamətdə bilik və qarşılıqlı təcrübə mübadiləsi və birgə layihələr müzakirə olunub.
“INNOLAND” İnkubasiya və Akselerasiya Mərkəzinin “Bakcell”lə birgə həyata keçirdiyi 1-ci İnkubasiya proqramına qəbul edilən startaplar 18 yanvar tarixində Demo Day-də çıxış edəcəklər. "Fonibo", "Bon.az" və "Towaves" startapları investorlar qarşısında öz layihələrini təqdim edərək investisiya almaq şansı əldə edəcəklər.
“Demo Day”in keçirilməsində məqsəd maliyyə ehtiyacı olan startaplar və sərmayə qoymaq istəyən investorları bir araya gətirmək və tərəflər arasında sağlam mühitdə davamlı əlaqələrin qurulmasına dəstək göstərməkdir.
Startap rezidentimiz "Taskool" Azərbaycan Dövlət İqtisad Universitetiylə əməkdaşlığa başlayıb.
Tərəflər "STEAMLAND" innovativ tədqiqat mərkəzi çərçivəsində birgə fəaliyyətlər göstərəcəklər. Mərkəz universitet və məktəblər arasında körpü yaradaraq məktəblilərdə "STEAM" (elm, texnologiya, mühəndislik, incəsənət və riyaziyyat) sahələri üzrə layihə əsaslı öyrənmənin və tədqiqat üçün lazım olan yumşaq və texniki bacarıqların əsasını formalaşdıracaq.
"Taskool" təhsil sahəsində startap olaraq yaratdığı əsas innovativ təşəbbüslərindən biri dünyada universitetlər üçün yeni, alternativ qəbul prosesidir. Platformada ali məktəbə təqdim etmək üçün şagirdlərə akademik portfel, praktikaya dayanan biliklər əldə etmək üçün "STEAM" layihələr bankı, istedadlıları üzə çıxarmaq üçün Olimpiada və Hakaton mərkəzi, həmçinin qlobal şəbəkələşmələri istiqamətində icma qrupları yaradaraq innovativ təhsil fəaliyyətləri həyata keçirir.